Qazaqstan Respýblıkasy Ortalyq saılaý komıssııasynyń qaýlysy №62/108

Astana qalasy,  2011 jylǵy 21 qarasha Qazaqstan Respýblıkasynyń Prezıdenttigine, Parlamenti men máslıhattarynyń depýtattyǵyna kandıdattardyń, partııalyq tizimderin usynǵan saıası partııalardyń senim bildirilgen adamdaryn tirkeý jónindegi nusqaýlyqty bekitý týraly «Qazaqstan Respýblıkasyndaǵy saılaý týraly» Qazaqstan Respýblıkasy Konstıtýsııalyq zańynyń 12 jáne 31-baptaryna sáıkes Qazaqstan Respýblıkasy Ortalyq saılaý komıssııasy qaýly etedi: 1. Qosa berilip otyrǵan Qazaqstan Respýblıkasynyń Prezıdenttigine, Parlamenti men máslıhattarynyń depýtattyǵyna kandıdattardyń, partııalyq tizimderin usynǵan saıası partııalardyń senim bildirilgen adamdaryn tirkeý jónindegi nusqaýlyq bekitilsin. 2. Osy Nusqaýlyq oblystyq, Astana jáne Almaty qalalyq saılaý komıssııalaryna jiberilsin. 3. Osy qaýly resmı jarııalanǵan kúninen bastap qoldanysqa engiziledi.   Qazaqstan Respýblıkasy Ortalyq saılaý komıssııasynyń Tóraǵasy Q. Turǵanqulov, Qazaqstan Respýblıkasy Ortalyq saılaý komıssııasynyń hatshysy B. Meldeshov.   Qazaqstan Respýblıkasy  Ortalyq saılaý komıssııasynyń  2011 jylǵy 21 qarashadaǵy № 62/108  qaýlysymen bekitilgen   Qazaqstan Respýblıkasynyń Prezıdenttigine, Parlamenti men máslıhattarynyń depýtattyǵyna kandıdattardyń, partııalyq tizimderin usynǵan saıası partııalardyń senim bildirilgen adamdaryn tirkeý jónindegi nusqaýlyq 1. Osy Nusqaýlyq Qazaqstan Res­pýb­lı­kasynyń Prezıdenttigine, Parlamenti men máslıhattarynyń depýtattyǵyna kandıdat­tar­dyń (budan ári – kandıdattar), partııa­lyq tizimderdi usynǵan saıası partııalardyń (budan ári – saıası partııalar) senim bildirilgen adamdaryn tirkeýdi naqtylaıdy. 2. Kandıdattar, saıası partııalar senim bildirilgen adamdaryn ózderiniń qalaýlary boıynsha tıisti saılaý okrýgindegi ár saılaý ýchaskesine úsh adamnan aspaıtyn sanda anyqtaıdy jáne olardy tirkeý úshin tıisti saılaý komıssııasyna habarlaıdy. Qazaqstan halqy Assambleıasy saılaı­tyn Parlament Májilisiniń depýtattyǵyna kandıdattardyń úshten aspaıtyn senim bildirilgen adamdary bolady. Parlament Senatynyń depýtattyǵyna kandıdattyń árbir aýdanda, qalada, qalada­ǵy aýdanda bir-birden senim bildirilgen adamy bolady. 3. Kandıdattar olardyń Qazaqstan Res­pýblıkasy Konstıtýsııasynyń, «Qazaqstan Respýblıkasyndaǵy saılaý týraly» Qazaq­stan Respýblıkasynyń 1995 jylǵy 28 qyr­kúıektegi Konstıtýsııalyq zańynyń (budan ári – Konstıtýsııalyq zań), «Qazaqstan Res­pýb­lıkasyndaǵy jergilikti memlekettik bas­qarý jáne ózin-ózi basqarý týraly» Qa­zaqstan Respýblıkasynyń 2001 jylǵy 23 qańtardaǵy Zańynyń talaptaryna sáı­kes­ti­gin tıisti saılaý komıssııalary anyqtaǵan­nan keıin ózderiniń senim bildirilgen adam­daryn tirkeý týraly ótinishpen júginedi. Saıası partııalar Ortalyq saılaý ko­mıssııasyna partııalyq tizimderin usyn­ǵan­nan keıin senim bildirilgen adamdaryn tirkeý týraly ótinishpen júginedi. 4. Kandıdattardyń senim bildirilgen adam­daryn tirkeý týraly ótinishti Qazaq­stan Respýblıkasynyń Prezıdenttigine, Qazaqstan halqy Assambleıasy saılaıtyn Parlament Májilisiniń depýtattyǵyna, Par­lament Senatynyń jáne máslıhattary­nyń depýtattyǵyna kandıdattardyń ózderi ne notarıattyq kýálandyrylǵan senimhat­tyń negizinde ózge adamdar berip, qol qoıady. Saıası partııalardyń senim bildirilgen adamdaryn tirkeý týraly ótinishti «Saıası partııalar týraly» Qazaqstan Respýblıka­synyń 2002 jylǵy 15 shildedegi Zańyna jáne saıası partııanyń jarǵysyna sáıkes ýákiletti adam berip, qol qoıady. 5. Senim bildirilgen adamdaryn tirkeý úshin kandıdattar, saıası partııalar tıisti saılaý komıssııasyna mynadaı qujattardy tapsyrady: 1) senim bildirilgen adamdaryn tirkeý tý­raly qaǵaz jáne elektrondyq túrdegi óti­nish. О́tinishte azamattyǵy, tegi, aty, áke­si­niń aty (bolǵan kezde), atqaratyn laýazymy, týǵan kúni, aıy jáne jyly kórsetiledi; 2) azamattyń kandıdattyń, saıası partııanyń senim bildirilgen adamy bolýǵa kelisetini týraly ótinishi. 6. Aýmaqtyq saılaý komıssııalary Prezıdenttikke, Parlament Senatynyń depý­tat­tyǵyna kandıdattardyń, sondaı-aq saıası partııalardyń senim bildirilgen adamdaryn tirkeýdi júzege asyrady. Okrýgtik saılaý komıssııalary máslı­hat­tardyń depýtattyǵyna kandıdattardyń senim bildirilgen adamdaryn tirkeýdi júzege asyrady. Qazaqstan halqy Assambleıasy saılaı­tyn Parlament Májilisiniń depýtattyǵyna kandıdattardyń senim bildirilgen adam­da­ryn tirkeýdi Astana nemese Almaty qalasy­nyń saılaý komıssııasy júzege asyrady. 7. Kandıdattardyń, saıası partııalardyń senim bildirilgen adamdaryn tirkeý ne tirkeýden bas tartý týraly sheshimdi tıisti saılaý komıssııasy ekikúndik merzimde qa­byl­daıdy. Senim bildirilgen adamdardy tirkeý ne tirkeýden bas tartý tıisti saılaý komıs­sııasynyń hattamasymen resimdeledi. Tıisti saılaý komıssııasy senim bildirilgen adamdardy tirkegennen keıin olarǵa Ortalyq saılaý komıssııasy belgilegen nysan boıynsha kýálikter beredi. 8. Tıisti saılaý komıssııasy kandıdat­tyń, saıası partııanyń senim bildirilgen adamyn tirkeýden mynadaı jaǵdaılarda, eger ol: 1) Qazaqstan Respýblıkasynyń azamaty bolyp tabylmasa; 2) Konstıtýsııalyq zańǵa sáıkes saılaý komıssııasynyń múshesi bolyp tabylsa; 3) «Memlekettik saıası qyzmetshiler laýazymdarynyń tizilimi men memlekettik saıası qyzmetshilerge tártiptik jaza qoldaný erejesin bekitý týraly» Qazaqstan Res­pýblıkasy Prezıdentiniń 1999 jylǵy 29 jeltoqsandaǵy № 317 Jarlyǵyna sáıkes memlekettik saıası qyzmetshi laýazymyn atqarsa, bas tartady. Parlament Senatynyń depýtattaryn saılaýdy ótkizý kezinde, osy tarmaqtyń 1)-3) tarmaqshalarynda atalǵandarǵa qosa, Qa­zaq­stan Respýblıkasy máslıhatynyń de­pýtaty senim bildirilgen adam bolyp tirkele almaıdy. 9. Osy Nusqaýlyqtyń 8-tarmaǵyna sáıkestik osy Nusqaýlyqtyń 5-tarmaǵyna sáıkes kandıdat, saıası partııa usynǵan qujattardyń negizinde anyqtalady. 10. Senim bildirilgen adamdar saılaý naýqany aıaqtalǵannan keıin, óz uıǵary­my­men, kandıdattyń jáne saıası partııanyń sheshimimen, sondaı-aq kandıdatty, partııalyq tizimdi tirkeýdiń kúshi joıylǵan, Konstıtýsııalyq zań buzylǵan jaǵdaılarda óz mártebesinen aıyrylady.