Almaty qalasynda «Kóship-qonýshylar arasyndaǵy týberkýlezdi jáne kóptegen dárilerge kónbeıtin týberkýlezdi (KDK TB) jáne TB/AITV-ny transshekaralyq baqylaý men emdeýge arnalǵan is-shara» baǵdarlamasyna qorytyndy jasaý boıynsha dóńgelek ústel ótkizildi.
Dúısenbi kúni «Project HOPE – The People-to-People Health Foundation, Inc.» (Project HOPE) halyqaralyq úkimettik emes gýmanıtarlyq uıymnyń qoldaýymen úsh jyldyń ishinde 44 000 astam eńbek etýshi kóship-qonýshy Qazaqstanda týberkýlezge zerttelip, qaralǵany jaıly málimet taratty.
Is-shara ýaqytynda «Qazaqstan Respýblıkasyndaǵy týberkýlez kúrestiń 2014-2020 jyldarǵa arnalǵan keshendi jospary» baǵdarlamasynyń nátıjeleri usynyldy.
Joǵarydaǵy kórsetkishterden bólek, úkimettik qurylymdarmen, halyqaralyq uıymdarmen, Úkimettik emes uıymdarmen jáne medısınalyq mekemelermen tıimdi yntymaqtastyq tájirıbesi ortaǵa salyndy. Baǵdarlamaǵa tartylǵan dárigerler men seriktestik ÚEU ókilderi elimizde eńbek etip júrgen kóship-qonýshylarmen jumystyń erekshelikteri týraly baıandady.
«Baǵdarlamanyń negizgi maqsaty – týberkýlez dıagnostıkasy men emdeýge qoljetimdilikti shekteıtin kedergilerdi joıý. Eńbek etýshi kóship-qonýshylar úshin qoljetimdilikti qamtamasyz etý, týberkýlezdi transshekaralyq baqylaý men emdeý boıynsha tıimdi tetikter qurý. Atap aıtqanda, kóship-qonýshylar úshin týberkýlezge tekserilýdiń qoljetimdilikti qamtamasyz etý esebinen 1600-den astam ókpe aýryna shaldyqqan naýqastar anyqtaldy. Ekinshi nátıje de mańyzdy – bul joba barlyq seriktesteriniń arasynda qalyptasqan konstrýktıvti yntymaqtastyq pen atalmysh máseleni anaǵurlym tıimdi sheshýge múmkindik beredi», – dedi Jahandyq Qor baǵdarlamasynyń menedjeri, Qazaqstandaǵy Project HOPE ókili Bahtııar Babamýradov.
Baǵdarlama barysynda 60-tan astam emhana men 10 týberkýlezge qarsy dıspanserlerde kóship-qonýshylarǵa qaıyrymdy medısınalyq uıymdar jelisi qalyptastyryldy.
Sondaı-aq 44 myńnan astam mıgrant úshin týberkýlezge tekserilýge qoljetimdilik qamtamasyz etildi jáne 1600-den astam ókpe aýry aıqyndaldy.
Baǵdarlamany engizý tájirıbesi negizinde «QR kóship-qonýshylarynyń arasynda týberkýlezdi baqylaý boıynsha nusqaýlyq» ázirlenip, resmı túrde bekitildi.
Project HOPE uıymdastyrǵan is-sharaǵa QR Densaýlyq saqtaý mınıstrligi, QR Densaýlyq saqtaý mınıstrligi Ulttyq ftızıopýlmonologııa ǵylymı ortalyǵy, IIM kóshi-qon qyzmeti, Jahandyq Qor, Halyqaralyq kóshi-qon uıymy, USAID, STOP TB seriktestiginiń jáne basqa da halyqaralyq uıymdardyń, sondaı-aq seriktes ÚEU men medısınalyq mekemelerdiń ókilderi qatysty.
Aınash ESALI, «Egemen Qazaqstan»