Astanadaǵy «Ábý-Dabı Plaza» qurylysynan taǵy da órt shyqty.
«17 sáýir kúni 16:45-te «101» pýltine Syǵanaq kóshesi, 14/2 mekenjaıynda órt tutanǵany týraly habar keldi. О́rt sóndirýshiler ǵımarattyń 38-40 qabattarynda tenttiń órtengenin anyqtady», - dep málimdedi TJD ókilderi.
Aldyn ala málimetter boıynsha, jalyn 40 sharshy metrdi sharpyǵan. Ony órt sóndirýshiler barǵansha qurylysshylar sóndirip úlgergen. Qazir oqıǵanyń mán-jaıy tekserilip jatyr. Qurbandar men zardap shekkender joq.
Aıta keteıik, osy ǵımarat buǵan deıin de birneshe ret órtengen. 2016 jylǵy 13 aqpanda keshenniń 25-qabatyndaǵy aǵashtan jasalǵan qalyptary órtengen. 2016 jylǵy 4 naýryzda (mınýs) ekinshi qabaty órtke oranǵan. Osy oqıǵadan soń bir aı ótpesten, 1 sáýirde dál sol mınýs ekinshi qabatta taǵy da órt tutandy. Al 2017 jylǵy 14 qarashada qurylysshylar jataqhanasynyń as úıi órt qushaǵynda qalǵan.