15 sáýir kúni keshki 18 saǵat 59 mınýt shamasynda О́skemen qalasynyń Ishki ister bóliminiń jedel basqarý ortalyǵynyń «102» jelisine eýropalyq násildegi belgisiz bireýler kóshede kele jatqan áıeldiń ishinde qundy zattary bar sómkesin urlap, belgisiz baǵytqa jasyrynyp úlgergeni týraly habarlama kelip túsedi.
Ulttyq ulannyń áskerı jasaq bastyǵy, kishi serjant Azat Ýlıanov bastaǵan, Danııar Elgondenov, Aıbek Samadııarov, Rýslan Kaızer qostaǵan tártip saqshylary jaqyn mańdaǵy aýlalardy jedel izdestirý sharalary barysynda eki kúdikti azamatty izin sýytpaı qolǵa túsiredi. Tekserý barysynda kúdiktiler buǵan deıin QR Qylmystyq kodeksiniń 120 babynyń 1-shi bólimi jáne atalǵan kodekstiń 190 babynyń 2-shi bólimi boıynsha sottalǵan bolyp shyqty. «Araǵa kóp ýaqyt salmaı keshki saǵat 20:04 shamasynda Ertis polısııa bólimshesiniń kezekshi bólimine taǵy da qońyraý shalynady.
Jábirlenýshi azamat K. keshki saǵat 20:00 shamasynda «Volna» sýpermarketinde belgisiz bireý 20 myń teńge aqshasyn urlap ketkenin aıtyp aryzdanady. Kishi serjant Azat Ýlıanov bastaǵan áskerı jasaq oqıǵa bolǵan aýdanda dereý izdestirý jumystaryn bastap ketedi. Mańdaǵy aýlalardy jedel tekserý barysynda aldyn-ala berilgen sıpattamaǵa sáıkes keletin kúdikti qolǵa túsedi. Ustalǵan azamatty tekserý barysynda onyń da buǵan deıin QR Qylmystyq kodeksiniń 187 babynyń 1 bólimi jáne 188 babynyń 2 bólimi boıynsha sottalǵany anyqtalady. Ulttyq ulannyń «Shyǵys» óńirlik qolbasshylyǵyna qarasty 5518 áskerı bóliminiń tártip saqshylary bir túnde birneshe uryny izin sýytpaı quryqtap, urlanǵan múlikter ıelerine qaıtaryldy. Urlyqqa qatysy bar degen kúdikpen ustalǵan azamattar sol túni О́skemendegi Ertis polısııa bólimshesine jetkizildi», - deıdi «Shyǵys» óńirlik qolbasshylyǵynyń baspasóz qyzmetiniń basshysy Baǵdat Amangeldi.
Azamat QASYM,
«Egemen Qazaqstan»
О́SKEMEN