Qostanaıda jol qozǵalysy jas ınspektorlarynyń 45-shi mereıli sletiniń aıasynda jol qozǵalysy erejesi boıynsha baıqaý ótti. Onda Qostanaı qalasyndaǵy otyzdan asa mektep pen gımnazııalardyń oqýshylary jol qozǵalysy erejesinen bilimin synady.
Sharaǵa barlyǵy 400-den asa oqýshylar qatysty. Qostanaı qalalyq ishki ister basqarmasy jergilikti polısııa qyzmetiniń qyzmetkeri, polısııa maıory Elena Magasýmovanyń aıtýynsha, baıqaýdyń basty maqsaty oqýshylardyń balalardyń jol-kólik oqıǵasynan alatyn jaraqatynyń aldyn alý, profılaktıkalyq jumystardy kúsheıtý jáne jasóspirmderdiń jol qozǵalysy erejelerinen bilimin shyńdaı túsý bolyp tabylady.
Jol qozǵalysynyń jas ınspektorlarymen jumys balalardyń jol-kólik oqıǵasynan bolatyn jaraqattanýynyń aldyn alýdyń eń mańyzdy bólimi. Qostanaı ishki ister basqarmasynyń uıymdastyrýymen 45 jyldan beri oblysta myńdaǵan bala jol qozǵalysy erejesinen, qaýipsizdiginen bilim alyp keledi.
Baıqaýda balalar «Jol qozǵalysy erejesiniń bilgiri», «Bilimpazdar týrnıri», «Jas retteýshi» sııaqty birneshe atalym boıynsha qıyn, kúrdeli suraqtarǵa jaýap berdi.
«Mektep ómirinde jol qozǵalysy jas ınspektorlarynyń sleti ár oqýshy úshin úlken oqıǵa sekildi.Olar jol qozǵalysy erejesin bilip ǵana qoımaıdy, otrıadtarǵa bólinip, qadamdap júrýdi, tártipke baǵynýdy da úırenedi» deıdi Elena Magasýmova.
Slette táýelsiz qazylar alqasy baıqaýdyń qorytyndysyn shyǵardy. Onda №21 mekteptiń otrıady I, fızıka-matematıkalyq lıseı otrıady P, №3 mektep-gımnazııasynyń jas ınspektorlary úshinshi oryndy aldy.
Názıra JÁRIMBET,
«Egemen Qazaqstan»
Qostanaı