Búgin Pavlodar qalasynda «Qazaqstan elektrolız zaýyty» aksıonerlik qoǵamynda «Nur Otan» partııasy men Kásipodaqtar federasııasy arasynda О́zara yntymaqtastyq týraly memorandýmǵa qol qoıý rásimi ótti.
Qujatqa «Nur Otan» partııasy Tóraǵasynyń Birinshi orynbasary Máýlen Áshimbaev jáne Qazaqstan Respýblıkasy Kásipodaqtar federasııasynyń Tóraǵasy Baqytjan Ábdiraıym qol qoıdy.
Memorandým Qazaqstan Respýblıkasy Prezıdenti Nursultan Nazarbaevtyń áleýmettik memleketti qurý úshin aýqymdy ınstıtýsıonaldyq reformalardy ótkizý maqsatynda bekitildi. Áleýmettik memlekettiń basty qundylyǵy adam bolyp tabylady. Osy oraıda qos tarap ishki eńbek naryǵyn qorǵaý, halyqty jumyspen qamtý, azamattarymyzdyń eńbek jáne áleýmettik-ekonomıkalyq quqyqtary men múddelerin qorǵaý úshin partııalyq jáne qoǵamdyq baqylaý júrgizý týraly kelisti.
Taraptar memlekettik organdarmen birge áleýmettik sıpatqa ıe tótenshe jaǵdaılar men eńbek daýlarynyń aldyn-alý jáne sheshý júıesin ázirleýge jáne jetildirýge atsalysýdy, eńbek daýlaryn sheshýge tájirıbeli mamandar men bilikti sarapshylardy qatystyrýdy josparlaýda.
«Nur Otan» partııasy men QRKF eńbek ujymdaryndaǵy bastaýysh partııa uıymdarynyń jáne bastaýysh kásipodaq uıymdarynyń rólin arttyrý boıynsha usynystardy ázirleý týraly kelisimge keldi.
Memlekettik organdardyń aldynda mańyzdy máselelerdi kóterý arqyly halyqtyń, sonyń ishinde áleýmettik álsiz toptardyń muń-muqtajyn is júzinde jáne tıimdi sheshý úshin birikken jumystardyń bolashaǵy zor bolmaq.
Sonymen qatar, taraptar qazirgi zańnamany jetildirý boıynsha usynystar men pikirlerdi ázirleýge birigip qatysýǵa jáne olardy tıisti memlekettik organdarǵa engizýge, sondaı-aq, normatıvtik quqyqtyq aktilerdiń jobasynyń qaralymyna qatysýǵa kelisti.
Memorandým ózara aqparat almasýdy (taldaý jáne anyqtamalyq materıaldardy qosqanda) jáne «memleket – saıası partııalar – kásibı odaqtar» formatynda áriptestik mehanızmderin ázirleýdi qarastyrady.
Taraptar Memorandýmdy júzege asyrý aıasynda ǵylymı-zertteý, konsaltıngtik jáne saraptamalyq jobalardy júzege asyrýǵa daıyndyǵyn jetkizdi. Sondaı-aq, qoǵamdyq birlestikter men uıymdarǵa, sonymen qatar, ishki eńbek naryǵyn qorǵaýǵa, halyqty jumyspen qamtýǵa, azamattardyń eńbek quqyqtaryn qorǵaýǵa baǵyttalǵan basqa da azamattyq qoǵam ınstıtýttaryna qoldaý kórsetedi.
Partııa men Federasııa yntymaqtastyqty nyǵaıtý maqsatynda otandyq, sheteldik jáne halyqaralyq uıymdarmen ózara tabysty jáne júıeli qarym-qatynas ornatýdy josparlaıdy.