Qyrǵyzstan prezıdenti Sooronbaı Jeenbekov «Qyrǵyzstan Respýblıkasy Úkimetiniń otstavkasy» týraly Jarlyqqa qol qoıdy, dep habarlaıdy Qyrǵyzstan prezıdenti apparatynyń aqparattyq saıasat bólimi.
Prezıdent Jogorký Keneshtiń Qyrǵyzstan Úkimetine senimsizdik bildirýine baılanysty Qyrǵyzstan Respýblıkasy Konstıtýsııasynyń 85-baby 6-bóligi, «Qyrǵyzstan Respýblıkasynyń úkimeti týraly» zańynyń 13-baby 1-bóligi 5-tarmaǵyn basshylyqqa ala otyryp, Qyryǵyzstan Respýblıkasynyń úkimetin otstavkaǵa jiberdi.
Jarlyqqa sáıkes, mınıstrler kabınetiniń jańa quramy qurylǵanǵan deıin Premer-Mınıstr, vıse-premer-mınıstrler, Úkimet músheleri burynǵy qyzmetterin jalǵastyra beredi. Prezıdenttiń Jarlyǵy qol qoıylǵan sátten bastap kúshine enedi.