Jaqynda Qyzylordada alǵashqy óńirlik IT-park jumysyn bastaıdy.
Oǵan arnaıy kelgen Qyzylorda oblysynyń ákimi Qyrymbek Kósherbaev IT-park jumysymen tanysyp, onyń sıfrlandyrý jónindegi baǵdarlama aıasynda mańyzdylyǵyn atap ótti.
IT-park quramynda aqparattyq-tirkeý bólimi, jumys aımaǵy, prezentasııalaý aımaǵy, bıznes-kelisim aımaǵy, áńgimelesý-demalys aımaǵy, oqytý aımaǵy, tehno-laboratorııa (masterskaıa), 3D stýdııa, serverlik bólme bar.
Aqparattyq tehnologııalardy damytý jónindegi oblys ákimi apparat basshysynyń orynbasary Indıra Aqjigitova: - IT-parkti qurý talantty jastardy qoldap, olar jasaǵan ınnovasııalyq jobalardy júzege asyrýǵa, túrli laboratorııalyq sımýlıator, 2D, 3D grafıkalyq jobalardy ázirleý men óndiristegi qoldanysyn testileýge, aqparattyq-baǵdarlamalyq ónimder jasap shyǵarýǵa, óndiris jáne oblys damýynyń salalaryn avtomattandyrýǵa jáne olarǵa qyzmet kórsetýge múmkindik týǵyzady,- deıdi.
Baqtııar TAIJAN,
«Egemen Qazaqstan»
Qyzylorda oblysy