Búgin Qazaqstannyń Ulttyq ekonomıka mınıstri Tımýr Súleımenov vedomstvo ujymyna jańa orynbasarlaryn tanystyrdy. Bul týraly UEM baspasóz hatshysy Samal Ibraeva Feısbýktegi paraqshasynda málim etti.
«Olardy tanystyra kelip, Tımýr Súleımenov Mádına Júnisbekovanyń aldynda memlekettik organdar men jobalyq basqarýdaǵy strategııalyq josparlaý men taldaý, áleýmettik saıasat jáne damý máselesine jetekshilik etý mindeti turǵandyǵyn baıandady. О́z kezeginde, Dana Júnisovanyń aldynda halyqaralyq ekonomıkalyq ıntegrasııa jáne halyqaralyq yntymaqtastyq, saýda jáne syrtqy saýda qyzmeti máselesine jetekshilik etý mindeti tur» delingen habarlamada.
Sondaı-aq, jazbada mınıstrdiń jańa orynbasarlarynyń jınaqtaǵan tájirıbesin, bilimi men kásibı daǵdysyn qoıylǵan mindetterge qol jetkizý úshin paıdalanatyndyǵyna senim bildirgeni aıtylǵan. «Jańadan taǵaıyndalǵan vıse-mınıstrler Mádına Júnisbekova men Dana Júnisova basshylyqqa senimi úshin alǵys aıtty jáne el damýy jolynda alda jemisti jumys jasaýǵa ázirligin bildirdi», - dep jazady UEM baspasóz hatshysy.
Júnisova Dana Beısenqyzy 1985 jylǵy 30 mamyrda týǵan.
2006 jyly T. Rysqulov atyndaǵy Qazaq ekonomıkalyq ýnıversıtetin ekonomıst mamandyǵy boıynsha bitirgen.
2003 jyly - «QTJ» UK» AQ Býhgalterlik esep departamentiniń bas mamany.
2007 jylǵy maýsymnan 2008 jylǵy tamyzǵa deıin «Astana-Fınans» AQ Korporatıvtik satylymdar bóliminiń menedjeri.
2008 jylǵy jeltoqsannan 2011 jylǵy qańtarǵa deıin «2011 jylǵy 7-qysqy Azııa oıyndaryn Uıymdastyrý komıtetiniń Atqarýshy dıreksııasy» AQ Marketıng jáne ımıdjdik jobalar departamentiniń dırektory.
2012 jylǵy maýsymnan qarashaǵa deıin - «Qulager» QK» JShS Jobalardy basqarý departamentiniń menedjeri.
2013 jylǵy mamyrdan 2016 jylǵy mamyrǵa deıin - «Atameken» UKP Ekonomıkalyq ıntegrasııa departamenti dırektorynyń orynbasary, Ekonomıkalyq ıntegrasııa departamentiniń dırektory, О́nerkásiptik jáne ınvestısııalyq saıasat departamentiniń dırektory, Ekonomıkalyq ıntegrasııa departamentiniń atqarýshy dırektory - dırektor.
2016 jylǵy mamyrdan 2018 jylǵy sáýirge deıin «Atameken» QR UKP Basqarma múshesi, Basqarma tóraǵasynyń orynbasary bolǵan.
2018 jylǵy 26 sáýirde Qazaqstan Respýblıkasynyń Ulttyq ekonomıka vıse-mınıstri taǵaıyndaldy.
Júnisbekova Mádına Serikqyzy 1987 jyly týǵan.
2009 jyly M.V. Lomonosov atyndaǵy Máskeý memlekettik ýnıversıtetin menedjer bakalavry mamandyǵy boıynsha bitirgen.
2010 jyly Parıj I Panteon-Sorbonna ýnıversıtetin ekonomıka magıstri jáne 2011 jyly Panteon-Assas Ýnıversıtetin menedjment jáne basqarý magıstri mamandyǵy boıynsha aıaqtady.
2010 jyldan - «Halyqaralyq aktýarlyq ortalyq» JShS qarjylyq taldaýshysy.
2012 jylǵy qańtardan naýryzǵa deıin - «SKB-Group-Audit» JShS menedjeri.
2012 jylǵy naýryzdan qazanǵa deıin - «AMUN Capital Advisors KZ» JShS qarjylyq taldaý jónindegi aǵa mamany.
2012 jylǵy qazannan 2014 jylǵy sáýirge deıin - Qazaqstan Respýblıkasy Prezıdenti Ákimshiligi Basshysynyń hatshylyǵy ınspektory.
2014 jylǵy sáýirden maýsymǵa deıin - Qazaqstan Respýblıkasy Premer-Mınıstriniń keńesshisi.
2014 jylǵy maýsymnan 2018 jylǵy sáýirge deıin Qazaqstan Respýblıkasy Premer-Mınıstri Keńsesiniń Aqparattyq-taldaý ortalyǵynyń meńgerýshisi 2018 jylǵy 26 sáýirde Qazaqstan Respýblıkasynyń Ulttyq ekonomıka vıse-mınıstri bolyp taǵaıyndaldy.