Atyraýda osy attas semınar ótti. Qalalyq Analar keńesi uıymdastyrǵan sharaǵa zııaly qaýym ókilderi men mektep oqýshylary qatysty.
Ulttyq sana-sezimi qalyptasqan, ulttyq múddeniń órkendeýine úles qosa alatyn, ulttyq qundylyqtar men jalpy adamzattyq qundylyqtardy ózara ushtastyra alatyn er bala tárbıesindegi ózindik kózqarastardy talqylaýǵa baǵyttalǵan semınardyń mán-mańyzy zor.
Oblystyq «Ardagerler keńesiniń» jastardyń arasynda áskerı-patrıottyq tárbıeni júrgizý komıssııasynyń tóraǵasy Sergeı Alpatanov ómirlik tájirıbesinen mysaldar keltire otyryp, taǵylymdy baıandama jasady.
Qalalyq Analar keńesiniń tóraıymy S.Ýbdııanova «Áke men ul bala» arasyndaǵy tárbıeniń mańyzy zor ekenin aıtady. Osyndaı sharalar arqyly otbasy qundylyǵyn dáripteýge múmkindik mol.
Semınar sońynda oqýshylar taqyrypqa baılanysty teatrlandyrylǵan kórinis qoıdy.
Baqytgúl BABASh,
«Egemen Qazaqstan»
Atyraý