Qazaly aýdanynda ótken jastar saıasaty máseleleri jónindegi kóshpeli keńes otyrysynda Qyzylorda oblysynyń ákimi Qyrymbek Kósherbaev osylaı dedi.
– Oblys halqynyń basym bóligin jastar quraıdy. Turǵyndardyń jalpy sanynyń 24 paıyzy jastar bolsa, olardyń 42 paıyzy qalada, 58 paıyzy aýylda turady. Biz olarǵa sapaly bilim men suranysqa ıe mamandyq berip, jumysqa ornalasýǵa kómektesýimiz kerek. Sondyqtan, jastar saıasatyn qarjylandyrý jumysymyzdyń basymdyqtarynyń biri. Qyzylorda oblysy respýblıka boıynsha jastardy qoldaýǵa eń kóp qarajat bólip kele jatqan óńir. Osyǵan baılanysty óńirde qazirdiń ózinde ózekti degen kóptegen máseleler sheshildi, – dedi oblys ákimi.
Jıynda jastar saıasaty máseleleri basqarmasynyń basshysy Erkebulan Meńlibaev «Jastar saıasatyn damytý boıynsha 2021 jylǵa deıingi jol kartasyn» júzege asyrý barysy týraly baıandady. «Jol kartasy» densaýlyq saqtaýdan bastap úkimettik emes uıymdarmen áriptestikke deıin barlyq salalar boıynsha jastarmen jumys isteýdiń 10 baǵytyn qamtıdy. Máselen, jastardy jappaı kásipkerlikti damytý men nátıjeli jumyspen qamtý baǵdarlamasy boıynsha oqytý maqsatynda 1515 grant, memlekettik tapsyrys boıynsha 3088 grant bólindi.
– Buǵan qosymsha «Serpin-2050» jobasy boıynsha bólinetin granttardy qosatyn bolsaq, 100 paıyz oqýmen qamtýǵa tolyq múmkindigimiz bar. Bıylǵy jyly Reseı Federasııasynyń jetekshi joǵary oqý oryndaryn bitiretin 76 túlekti jumysqa ornalastyrý boıynsha jumystar júrgizilýde, – dedi Erkebulan Meńlibaev.
Baqtııar TAIJAN,
«Egemen Qazaqstan»
Qyzylorda oblysy