Qarjy mınıstri Baqyt Sultanov Iordanııada 2018 jyldyń 8-10 mamyrynda ótken Eýropa qaıta qurý jáne damý bankiniń (EQQDB) Basqarýshylar keńesiniń XXVII jyl saıynǵy otyrysyna qatysty, dep habarlaıdy primeminister.kz.
Mınıstr Banktiń Basqarýshylar Keńesinde Qazaqstan Respýblıkasynyń atynan basqarýshy sanalady.
Otyrys barysynda EQQDB operasııalyq qyzmeti, onyń ishinde Ortalyq Azııa óńirindegi máseleler, 2017 jyly qol jetkizilgen nátıjeler, 2025 jylǵa deıingi damý perspektıvalary qaraldy.
Mınıstrdiń EQQDB prezıdenti Sýma Chakrabartımen kezdesýi barysynda Banktiń Qazaqstandaǵy negizgi jobalary talqylandy, memlekettik múlikti básekeli ortaǵa berý máselesine asa kóńil bólindi.
Bank prezıdenti EQQDB-nyń 2019 jyldyń sońyna deıin sholýda Qazaqstanǵa erekshe nazar aýdara otyryp, operasııalar júrgiziletin elderde Banktiń qyzmetin nyǵaıtý tásilderine qurylymdyq taldaý júrgizýdi josparlap otyrǵany týraly habardar etti.
Sondaı-aq, Bank 2019 jyly qańtarda óziniń kapıtaldyq resýrstaryn paıdalaný arqyly Saharadan ońtústikke qaraı Afrıkada óz qyzmetiniń gegorafııalyq aýqymyn birtindep keńeıtý jónindegi zertteýin bastaıdy. Bul jumys EQQDB-nyń 2021–2025 jyldarǵa arnalǵan Strategııasyn qalyptastyrý maqsatynda júrgizilýde.
Ádettegideı, osy kúnderi Bank memlekettik qurylymdar úshin de, sondaı-aq bıznes orta men azamattyq qoǵam úshin de Iskerlik forým ótkizýde. Bıyl atalǵan Forým «Ekonomıkaǵa serpin berý» degen uranmen ótti.
Forýmnyń «Bir beldeý – bir jol» bastamasy – EQQDB ınvestısııalaıtyn elder úshin onyń mańyzy» atty sesııasynyń basty spıkeri Baqyt Sultanov «Jibek jolynyń ekonomıkalyq beldeýi» jobasy arqyly jańa «Eýrazııalyq kópir» qurylady jáne «Qytaı — Ortalyq Azııa — Batys Azııa» ekonomıkalyq dálizi odan ári damıtynyn atap ótti.
«Qarjylyq ortalyqtar reformalardyń jáne ekonomıkalyq damýdyń qozǵaýshy kúshi retinde: AHQO-nyń róli» sessııasynyń qatysýshylary AHQO sekildi qarjylyq ortalyqtar ósimdi yntalandyrý úshin ınvestısııalarǵa qalaı áser ete alatyny jaıly máselelerdi, sondaı-aq, korporatıvtik basqarýda, biliktilikte jáne «jasyl ınnovasııalarda» standarttardy ornatýdyń qajettiligin qarastyrdy.