Mahambet selosynda aýyldyq jerlerde kásipkerlikti qoldaý men damytýǵa baǵyttalǵan úsh obekti birden ashylady dep habarlady Atyraý oblysynyń О́ńirlik kommýnıkasııalar qyzmeti.
Bıznes-ınkýbator, Kásipkerlerge qyzmet kórsetý ortalyǵy jáne "Naryn" kommýnaldyq bazary jaqyn arada paıdalanýǵa tapsyrylady. Aýdandyq kásipkerlik bóliminiń aqparaty boıynsha qazirgi ýaqytta «Naryn» bazarynda jóndeý jumystary júrgizilýde. Jóndeý aıaqtalǵannan keıin aýyl sharýashylyǵy taýaryn óndirýshiler munda óz ónimderin deldaldarsyz ótkize alady.
«Jalpy aýdany 4500 sharty metr ǵımaratta aýdandyq kásipkerlik jáne týrızm bólimi, aýdandyq kásipkerler palatasy jáne Kásipkerlerge qyzmet kórsetý ortalyǵy ornalasatyn bolady. О́z isin ashqysy keletin kez kelgen adam osy jerden barlyq týyndaǵan suraqtary boıynsha keńes ala alady. Jaqyn mańda ornalasqan «Naryn» bazarynda jergilikti agrarlar óz ónimderin sata alady», dep oı bólisti Mahambet aýdandyq kásipkerlik jáne týrızm bóliminiń basshysy Jeksenbaı Pazylov.
«Naryn» kommýnaldyq bazaryndaǵy baǵaǵa negizsiz kóterýge jol bermes úshin Mahambet aýdandyq kásipkerlik jáne týrızm bóliminiń mamandary qatań baqylaý jasaıtynyn eskerte keteıik. Qazirgi ýaqytta jergilikti ákimdiktiń qoldaýynyń arqasynda aýyl kásipkerleri óz ónimderin deldaldarsyz ótkizip otyr.