Oblys ortalyǵyndaǵy S.Toraıǵyrov atyndaǵy memlekettik ýnıversıtettiń stýdenttik teatry bul qoıylymdaryn «Rýhanı jańǵyrý» baǵdarlamasy aıasynda Máshhúr Júsiptiń 160 jyldyǵyna arnady.
«Adamjúsip» qoıylymyn» oqý ornynyń Gýmanıtarlyq-pedagogıkalyq fakýlteti negizinde qurylǵan «Murager» shyǵarmashylyq stýdenttik birlestigi daıyndap, uıymdastyrdy. Pesanyń avtory – fılologııa ǵylymdarynyń doktory, professor Aıtmuhambet Turyshev.
Qoıylym Máshhúr Júsiptiń ómiri men shyǵarmashylyǵynyń qalyptasýyn dramalyq kórinister arqyly baıandaıtyn 7 bólimnen turady. Tarıhshy, ádebıetshi ǵalymdardyń aıtýynsha, Máshhúr Júsip (1858-1931) jas kezinde Buqaradaǵy «Kóklán» medresesinde oqyp, arab, parsy, tilderin jaqsy bilgen, 5 jasynan bastap aýyl moldasynan bilim alady. Qazaq aýyz ádebıeti baılyǵymen erte tanysyp, halyqtyq jyr-dastandardy jattap ósedi. Máshhúr Júsip Samarqanǵa, Tashkentke, Túrkistanǵa, Buqaraǵa barady. Arab, parsy tilderin úırenip, Shyǵystyń klassıkalyq ádebıetimen jete tanysady. Abaı, Shákárimdershe Quran-Kárim fılosofııasyn, Qoja Ahmet Iasaýı ilimin tereń zerttegen.
Al, Máshhúr-Júsip týǵanda Izmuhammed abyz: – Bul shyraǵym juma kúni týdy. Atamyz Adam ata jaralǵan kún. Aty – Adamjúsip bolsyn! – depti.
Pesanyń sahnalanaýy kórermenderdiń kóńilinen shyqty. Tarıhshy ǵalym Qaırat Battalovtyń aıtýynsha, bul óner arqyly jastardyń sanasyna áser etip, halqymyzdyń rýhanııatyn jandandyrýǵa úles qosý degen sóz. Máshhúr Júsipti jastar oqyp, túsinip, zertteı de bilýleri kerek. Fılolog Aıman Zeınýlınanyń aıtýynsha, «Adamjúsip» pesasyn kásibı akterler emes, stýdentter sahnalaǵany rýhanı jańalyq.
Farıda Byqaı
«Egemen Qazaqstan»
Pavlodar
Sýretti túsirgen: Rýfına Torpısheva