Búgin Úkimet úıinde Premer-Mınıstr Baqytjan Saǵyntaev О́zbekstan Respýblıkasynyń Qazaqstandaǵy Tótenshe jáne О́kiletti Elshisi Saıdıkram Nııazhodjaevpen kezdesý ótkizdi.
Kezdesý barysynda Qazaqstan-О́zbekstan qatynastarynyń keń aýqymyn nyǵaıtý jáne damytý, saýda-ekonomıkalyq, óńirlik jáne shekara mańy yntymaqtastyǵyn keńeıtý, kólik salasyndaǵy ózara tıimdi jobalardy júzege asyrý, ǵylym, bilim, mádenıet, óner, týrızm jáne sport salasyndaǵy ózara is-qımyldy jandandyrý máseleleri talqylandy. Sondaı-aq, Qazaqstandaǵy О́zbekstan jyly jáne eki el arasyndaǵy óńiraralyq yntymaqtastyqtyń birinshi Forýmy aıasynda sharalardy uıymdastyrý jáne ótkizý máseleleri talqylandy.
Baqytjan Saǵyntaev Saıdıkram Nııazhodjaevty Qazaqstandaǵy Tótenshe jáne О́kiletti elshi laýazymyna taǵaıyndalýymen quttyqtap, onyń tájirıbesi, bilimi men kásipqoılyǵy eki el arasyndaǵy qarym-qatynasty odan ári nyǵaıtýǵa septigin tıgizetinine senim bildirdi.