Aqtaýda záýlim sport saraıynyń irgetasy qalandy

Elimizdiń ózge óńirlerinde ótki­zil­genmen, Mańǵystaýda qalys qalyp kele jatqan Máskeý Olımpıadasynyń júl­degeri, Qazaqstannyń Eńbek Eri Jaqsylyq Úshkempirov júldesine arna­lǵan grek-rım kúresinen jas­tar arasyndaǵy halyqaralyq gran-prı týrnıri mamyr aıynyń 4-de Aqtaýda alǵash ret  jalaýyn jel­bi­ret­ti. Týrnırdiń saltanat­ty ashy­lý rásimine Mańǵystaý obly­sy­­nyń ákimi  Eraly Toǵjanov, Olım­pı­ada chempıony Jaqsylyq Úsh­kem­pi­rov­pen birge qatysqan  qur­met­ti qo­naqtar qatarynda Iýrıı Mel­nı­chen­ko, Bahtııar Baıseıitov, Nur­ba­qyt Teńizbaev, Áset Imanbaev syn­­dy Olımpıada chempıondary men júl­de­ger­leri bar. Aqtaýdaǵy «Mań­ǵystaý Arena» sport kesheninde 4-6 mamyr kúnderi ótken týrnırge álem­niń 15 elinen 60 sportshy qa­tys­ty.  

«Qos toıyń qabat bolsyn» degen­deı, osy kúni Astana qalasynyń 20 jyldyǵy, Aqtaý qalasynyń 55 jyl­dyǵy aıasynda Aqtaý qalasynda záý­lim sport saraıynyń irgetasy qalan­dy. Soltústik Kaspıı jobasynyń operatory «Nort Kaspıan Opereıtı­ng Kompanı N.V.» (NKOK) kom­pa­­n­ııasynyń qoldaýymen salynatyn sport kesheniniń qurylysy bı­yl bastalady.  Úsh qabattan tura­tyn keshende boks jáne jekpe-jek kúsh synasatyn sport túrlerine ar­nalǵan kórermender zaly, taekvon­do, dzıýdo jáne aýyr atletıka jat­tyǵýlaryna arnalǵan zal, úl­ken basseın, dene shynyqtyrý men saýyqtyrý sharalaryna, horeografııa men gımnastıkaǵa arnalǵan ból­meler bar, sondaı-aq shaǵyn fýt­bol, basketbol, voleıbol, tennıs já­ne jeńil atletıkaǵa arnalǵan kóp qyz­metti ashyq alańdar da qaras­ty­­ryl­ǵan. 20 220 sharshy metr jer­­ge qazyq qaqqan jańa  sport orta­lyǵynda 1500 oryndyq kóp qyz­metti zal ornalasady. Kásibı sportpen shuǵyldanýdy uıym­das­tyrýǵa, dene shynyqtyrý jáne qala tur­ǵyn­daryn saýyqtyrýǵa, sondaı-aq aýqym­dy sporttyq jáne mádenı-kóp­shi­lik is-sharalardy ótkizýge arn­alyp áınek pen betonnan zamanaýı úl­gide jasalǵan ásem sport ke­she­ni­niń qu­rylysy áleýmettik já­ne ın­fr­aq­u­rylymdyq jobalar  sheń­berinde jú­zege asyrylady. 

− Memleket basshysy Nursultan Nazarbaev  «Tórtinshi ónerkásiptik revolıýsııa jaǵdaıyndaǵy damýdyń jańa múm­kindikteri» atty Joldaýynda salamatty ómir saltyn nasıhattaı otyryp, qoǵamdyq densaýlyqty basqarý isin kúsheıtý kerek jáne jastardyń repro­dýktıvti densaýlyǵyn qorǵaý­ǵa, nyǵaıtýǵa erekshe nazar aýdarý kerek­tigin atap ótti. Búgin NCOC kom­­­­­panııasy áleýmettik ınfra­qu­ry­lym­­­dyq jobalar aıasynda júzege asy­­ryp jatqan «Sport saraıy» jo­basy oblys turǵyndarynyń qyzy­ǵý­shylyǵyn odan ári arttyryp, sa­la­matty ómir saltyn ustanýǵa jaǵ­daı jasaıdy. Osy sport saraıy ǵı­maratynda, elimizdiń týyn kók­ke je­l­­bireter erteńgi chempıondar shy­ǵa­­tynyna seneıik, dedi Mańǵystaý ob­ly­synyń ákimi Eraly Toǵjanov sport saraıynyń irgetasy qalaný sal­­tanatynda. 

Al aýqymdy jobaǵa qoldaý kór­se­týshi «NKOK» kompanııasynyń bas­qa­rýshy dırektory Brýno Jarden jer­gilikti halyqtyń densaýlyǵyn saq­tap, nyǵaıtý máselelerin sheshý úshin kompanııa keshendi tásildi qol­danatynyn aıtyp ótti. Ol osyndaı nysandar salý arqasynda myqty sportshylardy daıarlaý úshin úlken múmkindikter ashylatynyna erekshe nazar aýdardy. Aıta ketý kerek,  atalmysh kompanııa Mańǵystaý óńirinde iri jobalarǵa qoldaý kórsetip keledi.  Sol­tústik Kaspıı konsorsıýmynyń qar­jysyna Aqtaý qalasyndaǵy bıýd­jet salasynyń qyzmetkerlerine arnalǵan 500 oryndyq jataqhana, qala­nyń 33 shaǵyn aýdanynda ornalasqan kóp qyzmetti sport keshe­ni, Mańǵystaý oblysyna ártúrli mem­lekettik baǵ­dar­lamalar, sonyń ishin­de aı­maq­tar­dy ındýstrııalandy­rý baǵ­dar­la­masy boıynsha jumys is­teý­ge kel­gen jumysshy mamandarǵa ar­nap Qaraqııa aýdanynyń Quryq aýylynda salynǵan 500 oryndyq ja­taq­hana sekildi birqatar mańyzdy áleý­mettik nysan salyndy. Bul nysandar «NKOK» kompanııa­sy úshin mańyzdy áleýmettik jáne ın­fra­qurylymdyq jobalar sheń­be­rinde salynyp jatyr, sebebi bul qu­ry­lystar konsorsıýmǵa jergilikti jurt­shylyqtyń qajettilikterin tike­leı qamtý múmkindigin beredi. Kon­sorsıým Mańǵystaý jáne Atyraý oblys­tarynda áleýmettik jobalarǵa úl­­ken qajettilik bar ekenin eskerip, bir­­qatar qosymsha jobalardy da jú­ze­ge asyrýda. 

Sport saraıynyń irgetasy qa­la­­ný barysynda Aqtaýdyń 100 jyl­­dyǵynda ashylyp oqylý úshin, ıaǵ­nı endi 45 jyldan soń – 2063 jylǵy jas sportshy býynǵa arnalǵan búgingi aǵa býyn ókilderiniń Amanat-haty salynǵan kapsýla ornalastyryldy. 

Áserli sharadan soń  Olımpıada chem­pıony Jaqsylyq Úshkempirov Mań­ǵystaý oblysynyń aktıvimen kez­desip, sport salasyndaǵy el maqta­nysht­aryn jastarǵa úlgi etti.

− Bizdiń jastarymyz baqytty ómir s­úrýde. Elbasy Nursultan Ábishuly Nazarbaev saıasatynyń arqasynda eli­mizdegi sport salasy belsendi damyp keledi. Búginde olarda sportpen jas­taıynan shuǵyldanyp, óz elin álemge tanytatyn ataqty sportshyǵa aınalý múmkindigi bar. Salamatty ult bolyp qalyptasý úshin deni saý urpaq tárbıeleý jolynda biz de óz úlesimizdi qosyp kelemiz. Ártúrli jarystar uıymdastyryp, aýdandar men  shalǵaı aýyldarǵa jıi kelýge tyrysamyz. Biz jastarymyzǵa tanymal sportshylardy úlgi ete otyryp, tabandylyq pen eńbeksúıgishtiktiń arqasynda bárine qol jetkize alaty­nyn túsindirgimiz keledi. Men Mań­ǵystaý jurtshylyǵyna  jyly qa­byl­­daǵany úshin rızashylyǵymdy bil­diremin jáne bul óńirde de Olım­pıada chempıondary kóp bolsyn! − dedi Jaqsylyq Úshkempirov. 

Bul – Mańǵystaýdyń sport sala­syn­daǵy jáne sportsúıer qaýym úshin este qalarlyq kezdesý boldy. 

Gúlaıym ShYNTEMIRQYZY, «Egemen Qazaqstan»

Mańǵystaý oblysy