О́ńir basshysy Málik Myrzalın Ortalyq kommýnıkasııalar qyzmetinde ótken baspasóz máslıhatynda «Rýhanı jańǵyrý» baǵdarlamasynyń Aqmola oblysynda júzege asyrylýynyń birinshi jyldyq qorytyndysyn tanystyrdy.
Oblys boıynsha bir jyl ishinde jalpy quny 10,2 mlrd. teńgege 117 joba iske asyryldy.
О́ńirdegi rýhanı qundylyqtardy nasıhattaý men saqtap qalý maqsatynda úlken jumys atqaryldy. Mysaly, «Rýhanı qazyna» kishi baǵdarlama sheńberinde respýblıkalyq jobalar reestrine 97 áleýmettik-mádenı jáne ınfraqurylymdyq jobalar endi. 2017 jyly 298 mln.teńgege 42 joba júzege asty. Aǵymdaǵy jylda 56 jobalar bastama aldy.
Osy baǵyttaǵy basty nátıjelerdiń biri Aqmola oblysyndaǵy 10 nysannyń «100 kıeli jerler» respýblıkalyq tizimine engizilgeni bolyp tabylady. (Qumaı arheologııalyq-etnografııalyq kesheni, Abylaı han alańy, Kenesary úńigiri, Batyǵaı kesenesi, Oqjetpes taýy, Qabanbaı batyr mazar-kesenesi, «Bespaqyr» jáne Baýbek batyr keseneleri) Búginde bul nysandar jalpyulttyq ıgilik bolyp tabylady.
QR kodtar - zamanaýı tehnologııalar kómegimen kıeli nysandar týraly aqparatty sıfrlandyrý boıynsha «Eskertkishter syr shertedi» atty joba iske asyrylyp jatyr.
Atap ótsek, birqatar aýdandardaǵy mádenı nysandarda jerles demeýshilerdiń qoldaýymen jóndeý jumystary júrgizilip, materıaldy-tehnıkalyq bazasyn jańartý jónindegi máseleler sheshildi. Jalpy, bir jyl ishinde mesenattarmen 150,8 mln. teńge kóleminde qoldaý kórsetildi.
Oblys aýmaǵynda Botaı mádenıetin damytý jáne nasıhattaý maqsatynda Býrabaı aýdanynda «Vızıt Sentr «Botaı» arheologııalyq-etnografııalyq kesheniniń ashyq aspan astyndaǵy murajaıyn qurý josparlanyp otyr.
«Atameken» kishi baǵdarlamasy aıasynda Aqmola oblysynda bilim, densaýlyq saqtaý, mádenıet, sport jáne kommýnaldyq sharýashylyq salalarynda jalpy quny 5,2 mlrd. teńgeni quraıtyn 59 áleýmettik jobalar iske asty. 14 jańa áleýmettik nysandar salyndy.
Qorǵaljyn aýdanynda elimizdiń 80% astam qus túrleri usynylǵan. Dál osy jerde respýblıkadaǵy alǵashqy aımaqtyq ornıtologııalyq ortalyq ashyldy. Bul jobany kásipker Túspekova Quralaı 53,5 mln. teńgege túgeldeı qarjylandyrǵan jáne bastamashylyq etken. Maýsym aıynan bastap alǵashqy mektep ekspedısııalary bastalady. Sonymen qatar, osy jyly ortalyq bazasynda jalpy quny 25 mln. teńgege zerthananyń, tórt baqylaý pýnktileriniń ashylýy, sporttyq ornıtologııa festıvalin ótkizý, keshendi ǵylymı-tanýshylyq ornıtologııalyq is-sharalardy ótkizý josparlanyp otyr.
«Qazaqstandyqtardy óz kishi otanyn súıýge, shyqqan tegin, mádenıetin jáne halqynyń salt-dástúrlerin bilýge shaqyratyn «Týǵan jer» arnaıy jobasy aıasynda Qorǵaljyn aýdanyda «Baltabek» týrıstik kesheni ashyldy. Munda týrısterge atpen serýendeýge jáne Tazy men Tóbet asyl tuqymdy ıtterdiń súıemeldeýimen ańshylyqqa shyǵý usynylǵan», - dep óńir basshysy atap ótti.
Aǵymdaǵy jyly taǵy da 30 áleýmettik jobalar bastaý alady. Mysaly, Selınograd aýdanynda jergilikti týmalardyń bastamashylyǵymen shamamen 2 mlrd. teńge kóleminde 2 jańa mektep pen 2 balabaqshanyń qurylysy usynyldy.
«Jalpy, Aqmola oblysynda «Rýhanı jańǵyrý» baǵdarlamasyn júzege asyrý boıynsha júıeli jumys quryldy. О́ńirimizdiń óz qundylyqtary, erekshelikteri bar, al eń bastysy rýhanı qundylyqtardy qalyptastyrý arqyly patrıotızm tanytatyn adamdar bar», - dep oblys ákimi qorytyndylady.