Parlament Senatynyń tóraǵasy Qasym-Jomart Toqaev Halyqaralyq kóshi-qon uıymynyń (HKU) Bas dırektory Ýılıam Leısı Svıngti qabyldady, dep habarlaıdy Senattyń baspasóz qyzmeti.
Senat tóraǵasy 2016 jylǵy qyrkúıeginde HKU-nyń BUU quramyna enýi jónindegi kelissóz úderisterindegi onyń jeke rólin joǵary baǵalady. Bul qadam kóship-qonýshylarǵa kórsetiletin kómektiń ýaqytynda bolýy men tıimdiligin arttyrýǵa jáne olardyń ózekti máselelerin sheshýge arnalǵan uzaq merzimdi strategııalyq josparlaý sharalaryn qabyldaýǵa múmkindik beredi.
Q.Toqaev aımaqtaǵy jáne dúnıe júzindegi kóshi-qon úderisterin retteý jónindegi mindetterdi sheshýde HKU-nyń mańyzy zor ekenin atap ótti. «Qazaqstan HKU-nyń belsendi áriptesi bolý jáne uıymmen ózara is-qımylyn keńeıtý nıetinde qala beredi. Kóshi-qon máselelerin retteý taıaý ýaqytta Qazaqstannyń kún tártibindegi basty salalardyń qatarynda bolady», dedi Q.Toqaev.
Parlament joǵarǵy Palatasynyń tóraǵasy kóshi-qon, bosqyndardy qabyldaý men beıimdeý salasyndaǵy halyqaralyq erejelerdi jetildirý jaıynda aıtty. Ol Qazaqstan Qaýipsiz, biryńǵaılanǵan jáne retteletin kóshi-qon týraly jahandyq shartty ázirleýdi qoldaıtynyn jáne kelissóz úderisterine belsendi qatysatynyn atap ótti.
Ý.L.Svıng óz kezeginde Qazaqstandy HKU-nyń negizgi áriptesi retinde atady jáne Ortalyq Azııadaǵy kóshi-qon úderisterin basqarý máseleleri boıynsha belsendi yntymaqtastyqty jalǵastyrýǵa shaqyrdy.