Búgin Májilistiń Agrarlyq máseleler komıtetiniń tóraǵasy Saparhan Omarov bastaǵan depýtattar toby Chehııa Respýblıkasy Parlamenti Depýtattar palatasy tóraǵasynyń orynbasary Voıteh Fılıp bastaǵan aýylsharýashylyq komıteti múshelerimen kezdesti, dep habarlaıdy Májilistiń baspasóz qyzmeti.
Kezdesý barysynda aýyl sharýashylyǵy salasyn zańnamalyq qamtamasyz etý boıynsha áriptestikti nyǵaıtý jaıy talqylandy.
Osy rette agroónerkásip kesheni, jaıylymdar, sýbsıdııalar, bankter, saqtandyrý kompanııalary, jer qoryn qorǵaý, sý tasqyndaryna qarsy gıdrotehnıkalyq qurylystar men basqa da aýyl sharýashylyǵyn damytý máselelerin zańnamalyq retteý máselelerine erekshe nazar aýdaryldy. Sonymen qatar, parlamentaralyq yntymaqtastyqty keńeıtý men tájirıbe almasý qajettiligi de aıtyldy.
Sondaı-aq, óz kezeginde qonaqtar Qazaqstannyń damý qarqynyna toqtalyp, bizdiń elmen yntymaqtastyqty tereńdetýge qyzyǵýshylyq bildirdi.