Elbasy Batys Qazaqstan oblysyna jumys sapary barysynda Jastar jáne oqýshylar saraıyna bardy. Onda Qazaqstan Prezıdentine densaýlyq saqtaý jáne bilim berý salalaryndaǵy sıfrlandyrý jónindegi jobalar tanystyryldy. Bul týraly akorda.kz habarlady.
Qazaqstan Prezıdenti oblystyń belsendi jastarynyń ókilderimen kezdesip, jastar men jas mamandardy qoldaýǵa baǵyttalǵan memlekettik baǵdarlamalardyń iske asyrylý barysy jóninde áńgimelesti.
Nursultan Nazarbaev sıfrlyq jáne aqparattyq tehnologııalardyń qarqyndy damyp kele jatqan jaǵdaıynda básekege qabiletti jastar tárbıelep ósirýdiń mańyzdy ekenin atap ótti.
– Mektepter men ýnıversıtetter ǵylymmen aınalysýǵa baǵdarlanyp otyr. Qazirgi jaǵdaıda adam ómir boıy bilim alýǵa tıis. Bes-alty jyldan keıin búgingi kóptegen mamandyq joıylyp, ornyna jańa mamandyqtar paıda bolady. Bizdiń bar úmitimiz – jastarda. Qarqyndy damyp kele jatqan álemnen qalyp qoımaýymyz úshin ne isteý kerektigin sizder árdaıym oılap júresizder dep senemin, – dep túıindedi Memleket basshysy.