Búgin Astana ekonomıkalyq forýmynyń alańynda Batys Qazaqstan oblysyndaǵy mal bordaqylaıtyn oryn jáne et kombınatyn jandandyrý boıynsha memorandýmǵa qol qoıyldy. Bul jóninde Batys Qazaqstan oblysy ákiminiń baspasóz qyzmeti habarlady.
Batys Qazaqstan oblysynyń ákimi aýyl sharýashylyǵyn, ásirese mal sharýashylyǵyn damytýda aımaqtyń áleýeti óte joǵary ekenin atap ótti. Qol qoıý rásimine oblys ákimi Altaı Kólginov, «Dunbia» kompanııasynyń negizin qalaýshysy Robert Djon Dobson (Ulybrıtanııa), «QazAgro» ulttyq basqarýshy holdıngi» AQ basqarma tóraǵasy Nurlybek Malelov jáne «Qazaqstan et odaǵynyń» JKZTB-niń bas dırektory Maqsut Baqtybaev qatysqan. - Biz «Crown Batys» mal bordaqylaý keshenin qalpyna keltirý boıynsha jumys júrizetin bolamyz. Investor aımaqqa qarjy quıady, biz et jáne et ónimder naryǵyn damytý men eksportqa shyǵarý úshin barlyq jaǵdaı jasaımyz, - deıdi Altaı Kólginov.
Atalǵan shara QR Aýyl sharýashylyǵy mınıstrliginiń qoldaýymen ótken.
Qazbek QUTTYMURATULY
«Egemen Qazaqstan»