Senat Tóraǵasy Qasym-Jomart Toqaev BUU-nyń burynǵy Bas hatshysy, Jahandyq jasyl ósim ınstıtýtynyń tóraǵasy Pan Gı Mýnmen kezdesti.
Q.Toqaev BUU qurylymdaryndaǵy birlese atqarǵan qyzmeti men osy mańyzdy halyqaralyq uıymdy reformalaý isindegi yntymaqtastyqty rızashylyqpen eske aldy. Senat Tóraǵasy 2030 jylǵa deıingi Ornyqty damý maqsattary men Klımat jónindegi Parıj kelisimi sekildi irgeli qujattardyń qabyldanýyna Pan Gı Mýnnyń úlesin erekshe atap ótti.
«Qazaqstan BUU-nyń halyqaralyq qatynastardaǵy basty rólin nyǵaıtýdy dáıekti túrde jaqtap keledi. Onyń basshysy bolǵan kezińizde qolǵa alǵan basymdyqtar bizdiń elimizdiń barlyq baǵdarlamalyq qujattary men júrgizilip jatqan reformalarynda kórinis taýyp otyr», - dep atap ótti Q.Toqaev.
Pan Gı Mýn jahandyq jáne aımaqtyq qaýipsizdikti qamtamasyz etý jónindegi Qazaqstannyń jáne Prezıdent Nursultan Nazarbaevtyń kúsh-jigerin joǵary baǵalady jáne BUU Qaýipsizdik Keńesiniń quramyndaǵy elimizdiń nátıjeli qyzmetin atap ótti.