Elorda ákimdigi Astananyń 20 jyldyǵyna oraı qala turǵyndary men qonaqtaryna taǵy da bir tartý jasamaq. 29 mamyrda Astanada ashyq aspan astynda «Uly dala birligi» atty konsert ótedi. Búginde osyndaı Open Air shoý-konsertterdi ótkizý ıgi dástúrge aınalǵan. «Qazaq Eli» monýmentiniń aldyndaǵy alańda hıtteri tanymal mýzykalyq reıtıngterden oryn alǵan otandyq jáne reseılik shoý-bıznes juldyzdary óner kórsetedi, dep habarlady Astana qalasynyń Mádenıet jáne sport basqarmasy.
Sahna tórinde Qaırat Nurtas, Aıqyn, Mádına Sádýaqasova, Álisher Kárimov, Erke Esmahan, Ringo toby, sondaı-aq kórermenderdiń kózaıymyna aınalǵan Ninety One toby jáne t.b. án shyrqaıdy.
Budan basqa, Dıma Bılan, Iýlıana Karaýlova, Sergeı Lazarev, Anna Sedokova, Natan, Anna Semenovıch, Djıgan, Elena Temnıkova, Tımýr Rodrıgez, Maks Barskıh, Mısha Marvın, «Gradýsy» toby, Artik & Asti jáne t.b. syndy reseılik artıster merekege oraı Astanaǵa jyly lebizderin bildiredi.
Alty saǵat boıy jandy daýys, tańqaldyrarlyq arnaıy effektiler, jarqyn jáne pozıtıvti emosııa! Kesh júrgizýshileri – ózderiniń jarqyn ázilderimen tanymal Azamat pen Anton, Aınur Ilıasova jáne Azat Ábiken. Konsert saǵat 17.00-de bastalady jáne 23.00-ge deıin jalǵasady.