Mamyr aıynyń 6 men 14 aralyǵynda Aqtaý jáne Baýtıno teńiz porttarynyń ákimshiligi qurǵaq júk kemelerin paıdalaný qaýipsizidigin qamtamasyz etýge baǵyttalǵan aýqymdy tekseris júrgizildi.
Shara aıasynda Qazaqstan, Reseı, Ázirbaıjan jáne Iran elderiniń 53 qurǵaq júk tasıtyn kemesi qaraldy.
Onyń nátıjesinde anyqtalǵan aqaýlardy joıǵanǵa deıin 4 kemeniń, ıaǵnı, Irannyń 3 kemesi men Reseıdiń 1 kemesiniń jumysy toqtatyldy.
Negizgi aqaýlar men talaptardyń oryndalmaýy:
Navıgasııalyq, órtke qarsy quraldardyń, radıo quraldarynyń aqaýlary;
Júk trıými esikteriniń tyǵyzdyǵy/sý ótkizbeýshiliktiń bolmaýy;
Keme ornyqtylyǵyna qoıylatyn talaptardyń saqtalmaýy;
Keme men jabdyqtar konstrýksııasy korpýsynyń korrozııasy;
Keme jýrnaldarynyń halyqaralyq konvensııalar talaptaryna saı bolmaýy;
Ekıpaj dıplomdary men kýálikteriniń laýazymdaryna saı bolmaýy.
Sonymen birge, Irannyń 5 kemesine porttan ketkenge deıin eskertýlerdi joıýǵa nusqaý berildi. Eskertýler ekıpaj quramynyń quzyretine qatysty boldy.
Aqtaý porty men Baýtıno teńiz ákimshiligi osy elderdiń teńiz porty bıligine halyqaralyq keme júzý qaýipsizdigine qoıylatyn talaptarǵa saı kelmeıtin kemelerdi jibermeý jóninde sharalar qabyldaý týraly hat joldaıdy.