Memleket basshysy atap ótken bes megatrend Astana ekonomıkalyq forýmy: Global Challenges Summit 2018 alańdarynda keńinen talqylanyp jatyr.
Biz úshin atalǵan bes megatrendtiń Qazaqstanda qalaı damıtyny basty másele, dedi «Talap» qoldanbaly zertteýler ortalyǵynyń dırektory Rahym Oshaqbaev.
«Máselen, megatrendterdiń biri — jahandyq eńbek naryǵyn alaıyq, ol jumys kúshi óte mobıldi dep qarastyrady. Búginde biz ártúrli elderde, korporasııalar men iri kompanııalardyń arasynda talanttar úshin, bilikti jumys kúshi úshin óte qatal básekelestik bar ekenin baıqaımyz.
Mysaly, búkil álemniń eń úzdik baǵdarlamashylaryn, AT-salasynyń eń shyǵarmashyl adamdaryn ózine tartatyn Kremnıı alqabynyń fenomenin kórip otyrmyz. Ozyq damyǵan elderdiń ózi qandaı saıasat júrgizýge tyryssa da, olarǵa Kremnıı alqabymen básekelesýge týra keledi», — dep túsindirdi R. Oshaqbaev.
Tıisinshe, Qazaqstanda da aqyldylardyń jylystaýy máselesi oryn alýda. Bizdiń myqty daıarlanǵan, bilikti mamandarymyz ózge elderden asa tıimti usynystar alýy múmkin.
«Sol sebepti de bilikti mamandardyń elimizde qalyp, mansapqa jetip, Qazaqstannyń damýyna úles qosýy úshin olardy qalaı qyzyqtyrýǵa bolatyny týraly suraq týyndaıdy. Talanttardy qalaı ósirý kerek, olardy elde qalaı ustap qalý qajet, olardy qalaı tartýǵa bolady? Bul – Elbasy nazar aýdartyp otyrǵan ózekti máseleler», — dedi sarapshy.