Oblys ortalyǵyndaǵy «Qoǵamdyq kelisim» ortalyǵynda ótken Qazaqstan halqy Assamleıasy «Qoǵamdyq medıatorlarynyń respýblıkalyq forýmy» – «Qoǵamdyq kelisim men jalpyulttyq birlikti qamtamasyz etýdegi medıasııanyń róli» taqyrybyna arnaldy.
Maqsaty – tájirıbe almasý, elimizdegi medıasııa ınstıtýtyn damytýdyń joldaryn saralaý, medıatorlar arasynda kásibı baılanystardy damytý jáne Assambleıa aıasynda daýlardy balama joldarmen sheshýdi nasıhattaýdyń jańa formalaryn qarastyrý. Forým jumysy plenarlyq otyrystan, kásibı sheberlikti arttyrýǵa arnalǵan semınarlardan, ınteraktıvti trenıngter boıynsha ótkizildi.
Jıynǵa oblys basshylyǵy, bilim berý, quqyq qorǵaý jáne sot júıesiniń ókilderi, etnomádenı birlestikter, depýtattar, jastar jáne BAQ ókilderi atsalysty.
Prezıdent Ákimshiligi janyndaǵy QHA hatshylyǵynyń sarapshysy InaraRahımzada «Qoǵamdyq kelisim men jalpyulttyq birlikti qamtamasyz etýdegi medıasııanyń róli» taqyrybynda baıandama jasady. Elimizdiń ár óńirlerinen kelgen kásibı jáne qoǵamdyq medıatorlar, sot jáne quqyq qorǵaý organdarynyń ókilderi qatysyp, pikir almasty.Oblys ákiminiń orynbasary Álııa Arynova Medıasııany «qoǵamdyq kelisimdi damytýdyń ámbebap ınstıtýty»,- dep atap ótti.
«Qoǵamdyq kelisim» mekemesine qarasty Medıasııa ortalyǵynyń basshysy Olga Nıkolashınanyń aıtýynsha, medıasııanyń qoǵamǵa aralasýynyń jańa kezeńine engeli otyr. Forým ortalyq tildesý alańyna aınalyp otyr. Medıatorlardyń jumysyn jurtshylyqqa pash etýge jáne medıasııany nasıhattaýǵa zor múmkindikter beredi. Maqsat – demokratııalyq qoǵamdy damytýdaǵy medıasııanyń rólin arttyrýda kúsh biriktirý.
Farıda Byqaı,
«Egemen Qazaqstan»
Pavlodar
Sýretti túsirgen Maqsat Aıtbaı