«Nur Otan» partııasy oblystyq fılıalynyń habarynsha, «IT-mamandardy daıarlaý» partııalyq jobasy oblys ortalyǵyndaǵy Innovasııalyq Eýrazııalyq ýnıversıtetinde júzege asyrylady. IT-ortalyqta jumys jasaý úshin 30 jas tańdap alynbaq. Emtıhan tapsyrǵan soń, oqýǵa alynady.
Ortalyqta tyńdaýshylar suranysqa ıe sıfrlyq saladaǵy bilim alyp, qazirgi baǵdarlamalyq tilderge úırenedi. Oqý ornynda kompıýterlik synyp tolyqtaı jabdyqtaldy. 3D prınteri bar. Bul IT saladaǵy bilikti mamandardy daıarlaýǵa úlken múmkindik. Mamandar jumyspen qamtylady. Oblys turǵyndary da bul jobaǵa qatysa alady.
- Bul maqsat - partııalyq jumysty jańǵyrtý, shaǵyn jáne orta kásipkerlikti qoldaý, «Rýhanı jańǵyrý» baǵdarlamasyn júzege asyrý men sıfrlandyrýǵa baǵyttalyp otyr. Qazir 22 partııalyq joba ázirlendi. «Nur Otan» partııasynyń jergilikti fılıaly aımaqtyq kásipkerler Palatasy men kásipkerlik ókilderimen memorandýmǵa qol qoıyldy, - deıdi partııanyń oblystyq fılıal tóraǵasynyń orynbasary I. Terenchenko.
Farıda Byqaı,
«Egemen Qazaqstan»
Pavlodar
Sýretti túsirgen Aıbek Jumatov