Kaspıı jaǵalaýynda sýǵa shomylý kezeńi bastalýynyń qarsańynda teńizde adamdardyń qaza bolýynyń aldyn alý jáne qaýipsizdik erejelerin saqtaý maqsatynda Aqtaý qalasy Tótenshe jaǵdaılar basqarmasynyń qyzmetkerleri Jedel-qutqarý jasaǵymen birlesip, teńiz jaǵalaýlarynda reıd sharasyn júrgizdi.
Reıd barysynda qyzmetkerler demalýshylarǵa sýdaǵy ólimderdiń sebepteri men saldaryn túsindirip, olardyń ishindegi basym bóligi mas kúıinde sýǵa túsý, tyıym salynǵan jerlerde, balalardy qaraýsyz sý jaǵasynda qaldyrý ekenin aıtyp ótti. Qaýipsizdik erejelerin saqtaý týraly tolyǵymen túsindirilip, jadnamalar taratyldy. Jyl saıyn sýǵa túsý maýsymynda alǵash bolyp qaýipsizdik erejelerin saqtamaı sýǵa túsetinder de balalar ekeni belgili.
Aqtaý qalasy Tótenshe jaǵdaılar basqarmasynyń qyzmetkerlerimen sýǵa shomylý maýsymynda úgit-nasıhat túsindirý jumystary aldaǵy ýaqytta da jalǵasyn tabatyn bolady.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy