AEF qonaqtary stýdentterge dáris oqydy

Atalǵan festıval álemdik qoǵam­das­tyqtyń aldyńǵy qatar­ly sarapshylary men stýdentter aýdııa­torııasy arasyndaǵy alań­ǵa aı­nal­­dy. Aıta ketý kerek, fes­tı­val aıa­syn­d­aǵy kezdesýler dáris, story telling, motivation speech, bu­qara­lyq suhbat format­taryn­da ótkizildi. Is-shara aıasynda ót­ken dárister AEF 2018 Global Challenges Summit Sıfrly ýnı­ver­sı­tetine aınalyp, forým aıaq­­tal­ǵan soń saıtta úsh tilde or­na­l­as­­ty­ryl­ady dep kútilýde. Al forým uıym­das­tyrýshylary bıyl alǵash ret ót­kizilgen festıval bola­­shaq­ta dástúrge aınalady degen oıda.

Dárister festıvali aıasynda lek­­torlar stýdentterge qazir­­gi zamanǵy tehnologııalyq jańa­lyqtar, adamzat aldyn­da turǵan ózgerister týraly aıtty. Sonymen qatar jahan­dyq má­se­lelermen qatar Qazaq­stan­­daǵy jaǵdaıǵa da toqtaldy. Mysaly, Shazam qosymshasynyń negizin qalaǵan Krıs Barton búgingi tańda IT salasynyń jyldam damyp jatqanyn atap ótip, «Qazaqstanda bul salany odan beter damytý úshin ınvestısııalardy kóbeı­tip, jastarǵa barlyq jaǵdaı­dy jasaý kerek. Sonymen qatar startapshylardyń ıdeıalaryna qulaq asyp, olardy jan-jaqty qoldap otyrǵan jón», dedi.

Nazarbaev Ýnıversıtette ótken festıvalde London korol­dik kolledjiniń ǵyly­mı qyz­metkeri, daǵdarys jaǵda­ıyn­daǵy medıanyń rólin zert­teýshi maman Grı­gorıı Asmolov «Áleý­mettik-gýmanıtarlyq da­mý­­daǵy ınternettiń róli» at­ty taqy­ryp­ta dáris oqyp, ınter­nettiń múmkindikterin durys paıdalana bilýdiń mańyz­dylyǵy týraly baıandady. Al «Altyn arystan» (1984) Vene­sııa kıno­fes­tıvaliniń bas júldegeri, rejısser Kshıshtof Zanýssıdiń dárisi stýdentter tarapynan erekshe qyzyǵýshylyq týdyryp, suraq-jaýap formatynda órbidi. Rejısser aýdıtorııaǵa ár halyq jahandaný zamanynda mádenı erekshelikterin saqtap qalý kerektigin ári kınorejıssýra salasynda sol ıdeıany jú­zege asyrýdyń áldeqaıda ótim­di bolatynyn aıtty. «Qazirgi tań­­da kez kelgen memlekettiń hal­qy Gollıvýd kınolaryn jáne óz­deriniń jergilikti týyndylaryn kóredi. Kóp jas rejısserdiń fılmi sapaly bolǵanymen, ol Gollıvýd jelisin qaıtalaǵan nemese sol tektes janrda bolady. Mysaly, qazaqtyń jas rejısseri óz eli týraly, jeri týraly óte shy­naıy ári sapaly kartına usyn­sa, ol áldeqaıda tabysty bo­lar edi. Jahandaný zamanynda má­denı erekshelikterdi saqtap qalý ǵana emes, ony tanyta bilý de ma­ńy­zdy», dedi Kshıshtof Zanýssı.

Halyqaralyq «Engineering News Record» óndiristik jýrna­ly­nyń reıtınginde birinshi oryn­da turǵan, 100 myńnan ar­tyq qyzmetkeri bar ári 150-den as­tam memlekette jobalaryn júzege asyryp júrgen AECOM kom­panııasynyń qalalar dızaıny jáne startegııalyq josparlaý dırektory Karlo Kastellıdiń de dárisin erekshe atap ótýge bolady. Ol «Qalalar – ujymdyq kúsh» degen taqyrypta dáris oqyp, kez kelgen qalanyń damýy tek belgili bir mamandardyń emes, tur­ǵyn­dardyń qolynda ekenin aıtty. Sonymen qatar Astana qalasy­nyń arhıtektýrasyna joǵary baǵa berip, halyqtyń qonaq­jaılyǵyna tánti bolǵanyn atap ótti. «Astananyń óte az ýaqyt­tyń ishinde qazirgi keı­pine engeni – úlken eńbektiń nátıjesi. Bul qala taǵy osynsha ýaqytta tipten ózge­rip, qaryshtap damı­dy dep oılaımyn», dedi K.Kastellı.

Stýdentterge qyzyǵý­shy­lyq týdyrǵan taǵy bir dáris jasartý bıotehnologııasy týraly boldy. SENS qorynyń ǵylym bo­ıyn­sha tóraǵasy ári dırekto­ry Obrı Dı Greı bolashaqta adam­­nyń qartaıý prosesin toqta­týǵa múmkindik beretin bıoteh­no­lo­gııa­lar­dyń paıda bolýy týraly aıta kele, «Dál qazir osy aýdıtorııa­da otyr­­ǵan adamdar osyǵan kýá bo­lýy­­­myz da múmkin. Nemese sol teh­­no­­­­lo­­gııany jasaýshylar sizder­diń ara­­laryńyzdan da shyǵýy yq­tı­mal», dep, jastarǵa shabyt bere sóıledi.

Medme-diń basqarýshy serik­tesi Ilıa Slýskıı «Tórtinshi ın­dýs­trııalyq revolıýsııa qar­sańynda neni úırený kerek?» degen taqyrypta dáris oqyp, qa­zir­gi tańda belgili bir salany meń­ger­gennen keıin de jan-jaqty bol­ý­dyń mańyzdylyǵy artatyny týr­aly aıtty. «Bir sala birneshe sala­nyń qyzmetin biriktiretin bo­lady. Iаǵnı adam­nyń izdený qajet­ti­ligi artady. Bul tulǵalyq damý úshin de óte kerek. Sondyqtan qa­zir­­­­den bas­­tap jan-jaqty bolsa­ńyz­­d­ar, bo­­lashaqta básekege qabi­letti ma­­­man bolatyndaryńyz sózsiz», dedi ol.

Nazarbaev Ýnıversıtet stý­dent­teriniń aıtýynsha, dárister jas­tarǵa shabyt syı­laǵan. «Ha­lyq­aralyq sarap­shylardyń, álem­ge tanymal mamandardyń qara­pa­ıym stýdentterge dáris oqý múm­­kindigi kúnde bola bermeıdi. Bul dá­rister bizdi jigerlendirdi, sha­byt­­tandyrdy. Lektorlar ar­man­­ǵa qol jetkizý úshin tynbaı eń­bek etse, adamnyń qolynan bári ke­le­­ti­nin kórsetti. Dáriske qa­tys­­qan qatar­lastarymnyń kóp­shi­ligi shabyt alyp shyqqanyn, ere­k­­she jiger­len­genin aıtyp jatyr. Men de erek­she áser aldym», deı­di stý­dent­ter­diń biri Nazerke Qabalına.

Gúlnur QÝANYShBEKQYZY,

«Egemen Qazaqstan»