Jergilikti memlekettik kirister departamentiniń ekonomıkalyq tergeý qyzmeti saýnasy men jaldamaly páterde jasyryp kazıno ashqan azamatty anyqtaǵan bolatyn dep habarlaıdy «Egemen.Kz» tilshisi.
Orda buzar otyzdaǵy jigittiń ıeligindegi saýnadan 553 myń teńge 645 dollar jáne poker ústeli, fıshkalar, oıyn kartasy tárkilengen. Osy jaǵdaıdan amaldap shyǵyp ketýdi oılaǵan jas jigit ekonomıkalyq tergeý qyzmetine bir mln teńge para usynǵan.
«Qylmystyq isti tergeý barysynda saýnadaǵy zańsyz kazıno men jaldamaly páterdegi kazıno bir óndiriske biriktirildi. Sonyń nátıjesinde qylmystyq is sotqa joldanyp, oǵan qatysty úkim shyqty», - deıdi oblystyq memlekettik kirister departamentiniń basqarma basshysy Ardaq Bıǵalıev.
Qazirgi tańda atalǵan azamat Qyzylorda qalasynyń №2 sotynyń úkimimen eki jylǵa bas bostandyǵynan aıyryldy.
Baqtııar TAIJAN,
«Egemen Qazaqstan»
Qyzylorda oblysy