Petropavl kásiptik daıarlaý jáne qyzmet kórsetý kolledjinde omartashy mamandary oqytyla bastady.
Oblystyq omartashylar qaýymdastyǵynyń tóraǵasy Oleg Gavrılovtyń aıtýyna qaraǵanda byltyr 300 tonna bal ónimi jınalypty. Bıyl bul kórsetkishti 1 myń tonnaǵa jetkizý mindeti tur. Ara sharýashylyǵy Qyzyljar, Mamlıýt, Shal aqyn aýdandarynda jaqsy damysa, qalǵan aýdandarda baıaý. Onyń bir sebebi ara ósirýdiń qyr-syryn jetik meńgergen kásibı mamandardyń tapshylyǵyna kelip tireledi.
Endi osy olqylyqtyń ornyn toltyrý maqsatymen Petropavl kásiptik daıarlaý jáne qyzmet kórsetý oqý orny jaqsy bastamaǵa qozǵaý saldy Munda 23 soltústikqazaqstandyq tegin oqýǵa qabyldanyp, omartashy mamandyǵyn meńgerip shyǵady. Solardyń biri– 62 jastaǵy Iýrıı Galamagın. Ol teorııalyq bilimin jetildirý úshin "Paseka -Qyzyljar" JShS-de ótkiziletin tájirıbelik sabaqtarǵa qatysyp júr. Arnaıy sertıfıkat alyp shyqqannan keıin ara ósirýmen aınalyspaq.
Kásiptik daıarlaý jáne qyzmet kórsetý kolledjiniń dırektory Nıkolaı Sokolov kolledjdi támamdaǵan túlekter"Bastaý-bıznes" jobasyna qatysyp, jeńildikti nesıege úmittene alatynyn jetkizdi. Bıyl ońtústik óńirlerden 900-den astam ara uıasy ákelinipti. Árqaısysynda 70 myńǵa deıin bal arasy ornalasqan.
О́mir Esqalı,
«Egemen Qazaqstan»