Oblys ortalyǵyndaǵy «Krendel» banket-holyna ártúrli pánderden respýblıkalyq, sheteldik jarystarǵa qatysyp júrgen 47 jas daryn jáne olardyń ustazdary shaqyryldy.
Oblystyq bilim basqarmasynyń málimetinshe, bıyl óńirdegi mektep-lıseılerde oqıtyn daryndy oqýshylar Halyqaralyq jáne respýblıkalyq jarystarda 177 medal jeńip alǵan. Onyń ishinde 28-i Reseı, Nıderlandy, Serbııa elderinde ótken halyqaralyq jarystarda, al, 149 medal respýblıkalyq jarystardan ıelendi.
Banket-holda ótken saltanatty sharada Halyqaralyq olımpıadanyń 12 jeńimpazy oblys ákiminiń «Daryn-2018» belgisimen jáne aqshalaı syılyqpen marapattaldy. Jaratylystaný-matematıkalyq jáne qoǵamdyq-gýmanıtarlyq baǵyttaǵy pánder boıynsha júldeger atanǵan 41 oqýshyǵa da qurmet kórsetilip, syı-syıapat tabystaldy. Daryndy shákirtter daıyndaǵan 12 muǵalimge Túrkııa eline joldama berildi. Shara sońynda qazaq tili men ádebıeti páninen respýblıkalyq pán olımpıadasynyń qola medal ıegeri Aıda Sharapıden oblys ákimi Bolat Baqaýovqa «Daryn-2018» kitabyn tabys etti.
Saltanatty keshte aq kóılek pen smokıng kıgen jastar vals bıledi.
Farıda Byqaı,
«Egemen Qazaqstan»
Pavlodar