Ulybrıtanııa depýtattary Qazaqstannyń ekonomı­ka­lyq jetistikterin joǵary baǵalady

­­Qazaqstandyq BAQ ókil­derine arnalǵan brıfıng barysynda delegasııa bas­shysy – Qazaqstanmen ynty­maqtastyq jónindegi top­tyń tóraǵasy Bob Stıýart Astanadaǵy sapary men kelis­sózderden alǵan ózi­niń áseri týraly aıtty. Ol brıtandyq parlamentte Qazaqstannyń «ókili» bolý­dy maqtan tutatynyn atap ótti. «Ulybrıtanııa Qazaq­s­tandy bolashaqtyń eli, ın­ves­tısııalarǵa ashyq, zań­dardy ustanatyn jáne qys­qa merzimde jańa ózge­ris­terge beıim barynsha bolý­ǵa tyrysqan el retinde qaras­tyrady», dedi B. Stıýart.

Depýtattar táýelsizdik jyld­arynda qol jetkiz­gen Qazaqstannyń ekonomı­ka­lyq jetistikterin jo­ǵa­­ry baǵalady. Olar El­basy Nursultan Nazarbaev­tyń elimizdiń qazirgi jetistikterindegi erekshe rólin atap ótti. «Biz Prezıdenttiń saıasaty halyq tarapynan úlken qol­daý kórip otyrǵa­nyn baı­qadyq. Prezıdent 27 jyl ishinde eldiń osyndaı damý deńgeıine jetý úshin tamasha jumys istegen», dedi B.Stıýart.

Brıtandyq depýtattar Nazarbaev ýnıversıtetinde qazaqstandyq stýdenttermen áńgimelesti. Olardy jas­tardyń ómirlik ustanymy, bilimge degen qushtarlyǵy jáne bolashaqqa degen senim­diligi tańǵaldyrdy. Brı­tandyq depýtattardyń piki­rinshe, bul Qazaqstannyń qa­zirgi kúni qandaı ekenin jáne bolashaq­ta qandaı bo­latyndyǵyn kórsetetin eń jaqsy dálel bolyp tabylady.

Jýrnalısterdiń Qazaq­stan men Ulybrıtanııa ara­syn­­daǵy ǵylymı jáne máde­nı yntymaqtastyqty keńeıtý týraly, brıtandyq joǵary oqý oryndarynda bilim alyp jatqan qazaqstandyq stýdent­terdiń sanyn arttyrý týraly suraǵy­na jaýap bere otyryp, Ulybrıtanııa parla­menti lordtar palatasy tóraǵa­synyń orynbasa­ry Lord Dennıs Rogan qazaq­standyq stýdent­terdi óz elin­de ǵana qabyl­dap qoımaı, sony­men qatar Ulybrıtanııa stýdentterin de Qazaqstanǵa oqýǵa jiberýdi usyndy.

Brıtandyq depýtattar­dyń Astanaǵa jasaǵan sapa­ry­nyń maqsattarynyń biri Qazaqstannyń ınves­tısııa­lyq áleýetin zertteý bolǵan. Brıtandyqtar Qazaqstan Úkimeti «KAZAKH INVEST» arqyly iske qo­syl­ǵan ın­vestorlarǵa qol­daý kórsetý tetigi Ulybrı­tanııadaǵydaı jumys isteıtinin atap ótti.

«Egemen-aqparat»