Oblystyq densaýlyq saqtaý basqarmasynyń málimetinshe, shtab óńirdegi Qoǵamdyq densaýlyqty saqtaý departamentimen birge qurylǵan. Menıngokok juqpasynyń aldyn-alý úshin birlesken alǵashqy otyrys ótti.
Kúndelikti monıtorıng júrgizilip, jaǵdaı baqylaýda. О́ńirdegi barlyq aýdandyq aýrýhanalarda juqpaly aýrýlarǵa arnalǵan oryndar jáne bilikti mamandar bar. Telemedısına, áýe avıasııasy táýlik boıy jumys isteıdi. Oblystyq juqpaly aýrýlarǵa qarsy balalar aýrýhanasy 170 orynǵa eseptelgen. Qajettilik týyndaǵan jaǵdaıda qosymsha 30 paıyzǵa arttyrýǵa múmkindik bar. Jyl saıyn oblys ortalyǵyndaǵy № 2 qalalyq emhanada qajylyqqa baratyn adamdarǵa ǵana menıngokok juqpasyna qarsy ekpe salynady. О́tken jyly shamamen 20 shaqty adam ekpe alypty.
Oblystyq qoǵamdyq densaýlyq saqtaý departamentiniń basshysy Irına Sorokınanyń aıtýynsha, oblysta bıylǵy jyly qańtar jáne mamyr aılary aralyǵynda eki bala menıngokok juqpasyna shaldyqqan. Ekeýi de stasıonarda em qabyldap, tolyǵymen aýrýdan aıyǵyp shyqqan. Balalarmen baılanysta bolǵan 208 adam tekserilipti. Departamentke vaksına jáne aýrýǵa qatysy 23 suraq túsken.
– Búginde vaksına bar. Baǵasy – 21035 teńge. Satyp alý portalyna ótinish berildi. Basqarmada 66 24 99 telefon nómiri boıynsha suraqtarǵa jaýap beriledi,-deıdi basqarma basshysynyń orynbasary Saltanat Tólegenova.
Iаǵnı, menıngokok juqtyrǵan naýqastyń dene qyzýy 38,5 gradýstan kóterilip, qusý,býyndardyń aýyrýy, bórtpeniń denesine jaıylýy baıqalady.
- Osyndaı belgiler baıqalǵanda birden dárigerge júginip, jedel járdem shaqyrý kerek. Kúndelikti aǵzany nyǵaıtyp, shynyqtyrý qajet. Qaınatylǵan sý iship, jemister men kókónisterdi qaınap turǵan ystyq sýmen jýý kerek. Sebebi, taıaqshalar 56 Selsıı gradýsta ǵana óledi. Jeke bastyń gıgıenasyn saqtap, ashyq sý aıdyndary men basseınge sýǵa túsýden bas tartqan jón,-deıdi Saltanat Tólegenova.
Farıda Byqaı,
«Egemen Qazaqstan»
Pavlodar