5 maýsymda Qyrǵyzstan burynǵy premer-mınıstri Sapar Isakov qamaýǵa alyndy. Qyrǵyzstan memlekettik qaýipsizdik komıtetiniń habarlaýynsha, Bishkektegi Pervomaıskıı aýdandyq soty Iskakovty tergeý aıaqtalǵanǵa deıin tergeý ızolıatoryna qamaý týraly sheshim shyǵarǵan.
Isakovqa Bishkektegi Jylý elektr stansııasyn (JES) modernızasııalaý isi boıynsha qozǵalǵan qylmystyq is aıasynda "sybaılas jemqorlyq" aıyby taǵylǵan. Isakov 29 mamyrda Ulttyq qaýipsizdik jónindegi memlekettik komıtetinde (UQMK) kezekti ret tergeldi. Ol alǵash ret tergeýge 26 sáýirde shaqyrylǵan.
Tergeý dolbary boıynsha, Sapar Isakov 2013 jyly Qyrǵyzstan prezıdenti apparatynda syrtqy saıasat bólimin basqaryp turǵan kezinde, "Bishkek qalasy JES-in modernızasııalaý" jobasyn júzege asyrý barysynda qyzmetin paıdalanyp, merdigerdi konkýrsta iriktep alý kezinde sheteldik kompanııanyń múddesin qorǵaǵan. Nátıjesinde memleketke orasan zor shyǵyn kelgen.