Taraz qalasynda 13 jastaǵy qyzdyń urlanýyna jol bermegen er azamat marapattaldy, dep habarlaıdy Egemen.kz.
Jambyl oblystyq polısııa departamentiniń ǵımaratynda shahar turǵyny Núrken Omarovty marapattaý rásimi uıymdastyryldy. Ol 13 jastaǵy qyzdy urlaý dereginiń aldyn alǵan bolatyn.
Tarazda oqýshy qyzdy urlamaq bolǵan aǵaıyndylar qamaýǵa alyndy
Naqtyraq aıtsaq, buǵan deıin belgisiz eki azamat avtokólikpen kelip, qoǵamdyq kólik aıaldamasynda turǵan qyz balany alyp ketpek bolǵan edi. Alaıda bul jaǵdaıǵa beıjaı qaramaǵan tarazdyq azamat jedel iske kirisip, 13 jastaǵy qyzdy qutqaryp qalǵan bolatyn. Al kúdiktiler jedel anyqtalyp, polısııa qyzmetkerleriniń ábjil qımylynyń arqasynda ustaldy. Qazir sotqa deıingi tergep-tekserý jumysy júrgizilip jatyr.
Tarazda mektep oqýshysyn urlamaq bolǵan eki kúdikti ustaldy
Jambyl oblystyq polısııa departamentiniń bastyǵy Qaısar Sultanbaev tarazdyq Núrken Omarovqa Ishki ister mınıstri Erjan Sádenovtiń atynan alǵys aıtty.
«Keıde erlik laýazymmen de, formamen de ólshenbeıdi. Ol qıyn jaǵdaıda shuǵyl sheshim qabyldap, kómek berýdiń arqasynda aıqyndalsa kerek. Sizdiń jedel áreketińizdiń arqasynda jasóspirimniń qaýipsizdigi qamtamasyz etildi. Bul bir otbasynyń ǵana emes, tutas qoǵamnyń tynyshtyǵyna qosylǵan úles dep bilemin», dedi polısııa departamentiniń basshysy Núrken Omarovqa rızashylyǵyn jetkizip.