Memlekettik qyzmetshiler tarapynan sybaılas jemqorlyqtyń jáne Ádep kodeksiniń buzylýyn aldyn-alý maqsatynda QR Aýyl sharýashylyǵy mınıstrligi veterınarııalyq baqylaý jáne qadaǵalaý komıtetiniń Mańǵystaý oblystyq aýmaqtyq ınspeksııasynda semınar-keńes ótkizildi.
Keńeste QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń Memlekettik qyzmet salasyndaǵy baqylaý basqarmasynyń basshysy Nurbol Doldashev aýmaqtyq ınspeksııasynyń jáne oǵan qarasty qalalyq, aýdandyq bólimsheleriniń qyzmetkerleri qatysty memlekettik qyzmet salasyn baqylaý boıynsha baıandama jasady.
Onyń aıtýynsha, aǵymdaǵy jyldyń birinshi toqsanynda jeke jáne zańdy tulǵalardan 57 ótinish túsken. Onyń 38 quzyret sheginde qaralyp, 14 tıisti organdarǵa joldanǵan. 18 ótinish boıynsha jáne 2 ishinara tekserý (barlyǵy 20) júrgizilip, nátıjesinde 38 zańbuzýshylyq anyqtalyp, olardy joıý týraly 18 usynystar engizildi.
Áleýmettik jelilerde jarııalanyp jatqan synı maqalalarǵa monıtorıng júrgizý, qyzmettik kólikterdi qyzmetten tys ýaqytta paıdalaný, memlekettik qyzmetshilerdiń shekteýlerdi saqtamaýy boıynsha, ıaǵnı jeke jáne zańdy tulǵalardan syılyqtar alý derekteriniń jolyn kesý boıynsha atqarylǵan jumystar týraly aıtyldy.
Sonymen qatar, memlekettik qyzmetshilerdiń ádeptiligin kóterý maqsatynda jaǵdaıattyq mysaldar negizinde berilgen «Memlekettik qyzmetshiniń ádebi jáne minez-qulyq normalary» nusqaýlyǵynyń (pocketbook) talaby tolyqtaı túsindirildi.
Memlekettik kórsetiletin qyzmetter basqarmasynyń bas mamany Ershat Ońaıbaev, ınspeksııa qyzmetkerlerine memlekettik qyzmetterdi kórsetý kezinde qyzmet alýshylarǵa sapaly ári kásibı qyzmet kórsetýdi qajettigin tilge tıek etti.
Sondaı-aq, memlekettik qyzmetshilermen memlekettik qyzmetterdi elektrondy túrde alýlaryna baǵyttalǵan kúndelikti turmysta qajetti qyzmetterdi uıaly telefonnyń kómegimen nemese bir rettik qupııasózben alý múmkindigi jáne úshinshi tulǵanyń atynan anyqtama alý týraly arnaıy beınerolıkter kórsetildi.
2017 jyly jáne 2018 jyldyń 5 aı aralyǵyndaǵy Ádep jónindegi keńeste oblystyq aýmaqtyq ınspeksııasyna qarasty memlekettik qyzmetshilerge qatysty tártiptik ister qaralǵan joq.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy