Qazaqstandyq boksshy Gennadıı Golovkın orta salmaqtaǵy álem chempıony ataǵynan aıyryldy, dep habarlaıdy Vesti.kz.
Biraq, boksshynyń bapkeri men boksshynyń ózi bul jaıynda ázirge esh pikir bildirmedi. Aıta keteıik, bul jaǵdaıdan buryn halyqaralyq boksshylar federasııasy ýkraınalyq boksshy Sergeı Derevıanchenkomen 3 tamyzǵa deıin kezdesý ótkizýge májbúrlegen bolatyn. Biraq qazaqstandyq sportshy bul kezdesýdi keıinge shegerýge ótinishin bildirgen kezde, IBF narazylyǵan bildirdi. Sebebi, IBF erejesine sáıkes, boksshy kezdesýdi keıinge shegerý múmkindigin tek bir ret qoldana alady. Gennadıı Golovkın bolsa, bul múmkindigin 5 mamyrda ótkizilgen amerıkalyq Vanes Martırosıanmen kezdesýinde paıdalanǵan.
Jaqynda IBF ujymy márege álem chempıony tıtýly tigiletin jekpe-jek ótkizbek. Bul jekpe-jekte Derevıanchenko men úshinshi orynǵa ıeli amerıkandyq Denıel Djeıkobstyń judyryqtasýy kútilýde. Sportshynyń ekeýi de Andre Rozemen jattyǵatyny barsha boks súıer qaýymǵa belgili.
Eske sala keteıik, Gennadıı Golovkın álem chempıony tıtýlyn 2015 jyldyń qazanynda kanadalyq Davıd Lememen kezdesýinde qanjyǵasyna baılaǵan bolatyn. Búginde ol WBC, WBA (Super) men IBO tujyrymdamalary boıynsha álem deńgeıindegi chempıon bolyp sanalady.
Daıyndaǵan Botakóz AMALBEKOVA
Eýrazııa Ulttyq ýnıversıtetiniń 1 kýrs stýdenti