Kúzdiń alǵashqy aılarynda Soltústik Qazaqstan óńirinen Qytaıǵa soıa burshaqtarynyń alǵashqy 100 tonnasy eksporttalady.
Aımaq basshysy Qumar Aqsaqalov pen aspanasty eliniń memlekettik azyq-túlik basqarmasy basshysynyń orynbasary Szen Lıın arasynda ótken kezdesýde ınvestısııalyq áriptestik áleýetiniń jaıy talqylanyp, birlesken kásiporyndar qurýǵa ýaǵdalasty.
«О́ńirde Qazaqstan bıdaıynyń 30, maıly daqyldyń 40, súttiń 10, qus etiniń 12 paıyzy óndiriledi. О́zgelermen salystyrǵandaǵy baǵa qoljetimdi. Eki el úshin shıkizat jetkizý salasy da mańyzdy ról atqarady. Sebebi, Qytaıdan kári qurlyqqa jiberiletin júktiń 60 paıyzy bizdiń óńir arqyly ótedi», dedi óz sózinde Qumar Irgebaıuly.
Szen Lıın oblystyń tabıǵat sulýlyǵyna, egistik alqaptarynyń qunarlylyǵyna tań qalǵanyn jasyrmady. Sizderde daqyldyń barlyq túri ósedi eken. Qytaıda soıaǵa suranys óte joǵary. Jylyna 95 mıllıon tonnasyn tutynamyz. Argentına men Brazılııadan satyp alýǵa májbúrmiz. Qazaqstanmen áriptestik baılanys ornatý eki tarapqa da tıimdi bolar edi. Sebebi, soıa burshaqtary óte qymbat. Logıstıkalyq shyǵyndardy eseptemegende onyń bir tonnasy shamamen 450 dollar turady, dedi ol.
Q. Aqsaqalov bul daqylǵa memleket kvotasynyń joqtyǵyna qaramastan usynys pen suranys jete eskeriletinin jetkizdi. Bıyl synama retinde soıa burshaqtarynyń alǵashqy partııasy jóneltilmek.
О́mir ESQALI,
«Egemen Qazaqstan».