Danııar Abýlgazın Qazaqstan Respýblıkasy ústel tennısi federasııasynyń prezıdenti bolyp saılandy. Mundaı sheshim Astanada ótken federasııanyń jyldyq esebine arnalǵan jıynda qabyldandy. Buǵan deıin Federasııanyń bas hatshysy qyzmetinde bolǵan D. Abýlgazın Qasym-Jomart Toqaevtyń ornyna keldi.
«Birinshi kezekte elimizdegi ústel tennısiniń qalyptasýy men damýyna ólsheýsiz úles qosqan Qasym-Jomart Kemelulyna úlken alǵys bildiremiz. Onyń basshylyǵymen materıaldyq-tehnıkalyq baza nyǵaıyp, aımaqtardaǵy ınfraqurylym jaqsaryp, bapkerlerdiń biliktiligi artyp, ústel tennısi buqaralyq sportqa aınaldy. Federasııa damýyndaǵy eń basty baǵyt – álemdik qaýymdastyqtaǵy bedelimizdi nyǵaıtý bolatyn. Qazirgi kúni de bizdiń aldymyzda turǵan maqsattar ózgermeıdi. Biz otandyq ústel tennısin damytýdy ári qaraı jalǵastyramyz», - skazal dedi Danııar Abýlgazın.
Eske sala keteıik, ótken jyldyń sońynda Astana TMD elderi arasynda alǵash bolyp Halyqaralyq ústel tennısi federasııasy ótkizetin eń mańyzdy týrnırlerdiń biri ITTF World Tour Grand Finals dodasyn qabyldady. Bul básekege álemdik ústel tennısiniń juldyzdary jınaldy. Federasııanyń halyqaralyq baǵyty aıasynda qazaqstandyq jas sportshylardyń shetelde oqý-jattyǵý jıyndaryn jıi ótkizýine múmkindik jasalmaq. Bul ulttyq quramanyń qosalqy quramyn nyǵaıtýǵa kómektesedi. Sonymen qatar, otandyq mamandardy halyqaralyq bapkerlik kýrstarǵa qatystyrý da uıymnyń basty mindetteriniń biri.