Aqparat jáne kommýnıkasııalar mınıstri Dáýren Abaev «Nur Otan» partııasynyń qoǵamdyq qabyldaýynda bolyp, turǵyndarmen kezdesti.
Astana men Almaty qalalarynyń turǵyndary mınıstrdiń jeke qabyldaýyna kelse, al Shyǵys Qazaqstan men Qyzylorda oblystarynynyń jurtshylyǵy beınekonferensııa arqyly baılanysqa shyqty. Qoıylǵan suraqtardyń basym bóligi «Sıfrlyq Qazaqstan» baǵdarlamasyn júzege asyrý tetikteri men shalǵaı jatqan óńirlerge ǵalamtor jelisin tartý týraly boldy. Sondaı-aq salyq jáne keden salasyn ınnovasııalyq sıfrlandyrý týraly jobasyn usynyp, qoldaý kórsetýdi suraǵan jas ǵalymdardyń da ótinishteri tyńdaldy.
- Kommersııalyq maqsatta emes, monıtorıngti durystaý jáne salyq jaǵyn eskere otyryp, tolyq qarastyrylǵan bolatyn. Kommersııalyq emes, halyqqa paıdaly jaǵyn qarastyryp otyrmyz, - dedi jas ǵalym Nurjan Mutalhan.