Syrtqy ister mınıstrligi Qytaımen vızasyz rejım engizýge baılanysty áleýmettik jelilerde keń talqylanyp jatqan másele týraly pikir bildirdi.
Vedomstvanyń habarlaýynsha, Qytaı azamttary úshin vızasyz rejım engizý jónindegi aqparat shyndyqqa janaspaıdy.
«Qazaqstan Qytaımen vızasyz rejım engizý týraly kelissózder júrgizip jatqan joq. Qytaı azamattary úshin vızasyz rejıminiń engizilýi múmkin dep tarap jatqan aqparattar jalǵan», dedi Syrtqy ister mınıstrliginiń baspasóz qyzmeti.
Sondaı-aq qazirgi ýaqytta Qazaqstan tarapy el azamattary úshin vızasyz kelisim merzimin uzartý, qazaqstandyqtar úshin jekelegen vıza berý sharttaryn qaıta qaraý syndy ózara yntymaqqa kelisilgen jumystar jalǵasýda ekenin málim etti.