О́ner álemine qadam basqandardyń árqaısysy sulýlyqty ózinshe órnekteıdi. Aqyn poezııa tilinde jyrlasa, jazýshy shuraıly tilmen beıneleıdi. Qylqalam sheberi túrli boıaýmen sulýlyqty kartına betine «sóıletedi». Al fotosheber ádemilikti tabıǵı, boıamasyz qalpynda túsiredi. Sulýlyqqa qushtarlyq Andreı Martynovtyń obektıv arqyly beıneleýge áýes bolýyna túrtki boldy. Onyń alýan túrli rakýrsta túsirgen tamasha týyndylary osynyń aıǵaǵy.
Fotoónerdiń qyr-syryn tereń meńgergen Andreı Martynovtyń búginde aty álemde ozyp, ol halyqaralyq deńgeıdegi fotokórmelerdiń basy-qasynda bolady. Birinde ózi Italııada ótken Spılımbergo fotokonkýrsyna qatyssa, al endi birde Reseıdegi Italııa fotografııalarynyń qozǵalmaly shoýynyń, Novosibirdegi Sýretshiler mýzeıinde ótken «Tehastan habarlama» atty Amerıka sýretshileri kórmesiniń úılestirýshisi bolyp júrgeni. Tórtkúl dúnıeniń qaı túkpirinde fotoónerge qatysty alqaly jıyn nemese kórme ótkiziletin bolsa, reseılik sheber sol jerden tabylady.
Asaı-múseıin arqalap Andreı Martynov qazaq jerine de at shaldyrdy. Qazaq eliniń kórikti tustary fotosheberdiń obektıv nysanasyna ilindi. Qarańyz da baǵalańyz, kózi alǵyr oqyrman!
Andreı Martynov,
Reseı, Máskeý