Parıjdegi Rolan Garros týrnıri aıaqtalǵannan keıin álemdik reıtıng qaıta jańartyldy. Qazaqstannyń tennısshileri arasynda eleýli tabysqa Iýlııa Pýtınseva qol jetkizip otyr.
«Úlken dýlyǵa» sanatyndaǵy dodada shırek fınalǵa deıin jetken jerlesimiz birden 42 satyǵa joǵarlap, qazirgi kezde WTA tiziminde 56-oryndy ıelenýde. Desek te Iýlııa Pýtınseva bul joly da óziniń komandalyq áriptesi Zarına Dıasty qýyp jete alǵan joq. Joǵaryda atalǵan jarystyń ekinshi aınalymynda óner kórsetken Qazaqstannyń №1 raketkasy 51-orynnan 45-satyǵa kóterildi. Al áıelder arasyndaǵy úzdikter kóshin bıylǵy jylǵy «Rolan Garrsotyń» jeńimpazy, rýmynııalyq Sımona Halep bastap tur. Ekinshi jáne úshinshi oryndarda – danııalyq Karolın Voznıaskı men ıspanııalyq Garbıne Mýgýrýsa.
Otandastarymyzdyń arasynda ATR reıtıngindegi eń úzdik kórsetkish Mıhaıl Kýkýshkınge tıesili. Búgingi tańda ol 86-orynǵa taban tiredi. О́kinishke qaraı, ózge órenderimizdiń qarqyny baıaý. Bul tizimde Ispanııanyń dańqty tennısshisi Rafael Nadal jeke-dara kósh basynda keledi. Shveısarııalyq Rodjer Federer men germanııalyq Aleksandr Zverev ekinshi jáne úshinshi oryndardy ıemdenýde.
Ǵalym SÚLEIMEN,
«Egemen Qazaqstan»