Astanadaǵy emhanalarǵa sheteldikter de tirkele alady

«Mindetti áleýmettik medı­sı­nalyq saqtandyrý týraly» zań­ǵa sáıkes, Qazaqstan aýmaǵynda tur­ǵylyqty turatyn sheteldikter men azamattyǵy joq tulǵalar saq­tandyrý júıesinde Qazaqstan aza­mattary sııaqty mindetter men quqyqtarǵa ıe. Iаǵnı bul aza­mat­tar mindetti áleýmettik medı­sı­­nalyq saqtandyrý júıesine qa­zaq­standyqtarmen birdeı jarna tó­leý­ge mindetti. Jarna tólegen soń olar medısınalyq kómek alýǵa qu­qyly bolmaq. Sondyqtan «shetel aza­mattary bizdiń esebimizden tegin em­deledi» dep aıtýǵa negiz joq.

Sonymen qatar MÁMS sheń­be­rindegi quqyqtar men mindetter eli­mizde ratıfıkasııalaǵan halyq­ara­lyq kelisimder negizinde ýaqytsha tu­ra­tyn shetel azamattary men olar­dyń otbasylaryna da berilgen. Olard­yń qatarynda Eýrazııalyq eko­nomıkalyq odaq sheńberindegi ju­mys kúshiniń erkin júrip-turý­y­na qatysty norma da bar.

«Qazaqstan ózge memlekettermen tyǵyz saıası-ekonomıkalyq baılanys ornatqan memleket. Sondyqtan biz halyqaralyq kelisim talaptaryn da oryndaýǵa mindettimiz. Biraq shetel azamattary kepildendirilgen tegin medısınalyq kómek kóleminiń az ǵana bóligin paıdalana alady. ­Naqtyraq aıtsaq, bul azamattar aına­lasyna qaýip tón­diretin aýrýlardan tegin em­deledi», deıdi Astana qa­lasy boı­ynsha «Áleýmettik medı­sı­na­lyq saqtandyrý qory» KEAQ fı­lı­a­lynyń dırektory Nurlybek Qabdyqaparov.

Al atalǵan sanatqa kirmeıtin óz­ge sheteldikter (mysaly, Qazaq­stan aýmaǵyna vıza arqyly neme­se ju­­mys isteýge kelgender) MÁMS jar­nasyn tólemeıdi. Olar el aýma­ǵyna kirmes buryn jekemenshik saq­tandyrý polısin satyp alýǵa min­detti.

Osylaısha Qazaqstan aýmaǵynda tur­ǵylyqty jáne ýaqytsha turatyn, Eýrazııalyq ekonomıkalyq odaq tý­ra­ly kelisimshartqa múshe mem­le­­ket­terdiń azamattary MÁMS júıe­sin­de el azamattarymen birdeı 2020 jyldan bastap medısınalyq kómek alýǵa quqyly. Sheteldikterdiń saqtandyrý jarnasyn tólep, el aza­mattarymen birge medısınalyq qyz­metterdi paıdalaný tájirıbesi barlyq damyǵan elderde oryn alǵan úrdis.

«Egemen-aqparat»