Batys pen Shyǵys órkenıetiniń altyn kópiri atanǵan arý Astana talaı-talaı halyqaralyq sharalardyń bastaýynda turdy. О́ziniń 20 jyldyq tól merekesi qarsańynda elordamyz taǵy osyndaı iri óner baıqaýynyń tusaýyn keskeli otyr. 15-16 maýsymda Astanada bas qalanyń múshel merekesine arnalǵan «Voice of Astana» atty I halyqaralyq estradalyq mýzyka oryndaýshylarynyń baıqaýy ótedi. Bul halyqaralyq baıqaý elimizdiń Mádenıet jáne sport mınıstrliginiń uıymdastyrýymen ótkeli otyr.
Halyqaralyq estradalyq mýzyka festıvali sheńberinde úsh úlken shara ótkizý josparlanǵan. Olar: «Voice of Astana» estradalyq mýzyka oryndaýshylarynyń I halyqaralyq baıqaýy, Baıǵalı Serkebaevtyń shyǵarmashylyq keshi, Batyrhan Shúkenovti eske alý konserti.
«Voice of Astana» I halyqaralyq baıqaýynyń irikteý jarystaryna 20 memleketten 500-den astam jas estradalyq mýzyka oryndaýshylarynyń ótinishi qabyldandy. 15 maýsymda Astana qalasynda ótetin jartylaı fınalǵa QHR estrada juldyzy Bao Lın, Úndistan ónerpazy Shreıa Sharma, Izraıldan Katerına Marko, Italııadan Vinile toby, Ulybrıtanııadan Goldstone toby, Grýzııadan Avtandıl Abeslamıdzıa, Ázerbaıjannan Ilham Nazarov, Reseıden Dýlma Sýnrapova, Eleonora Nosova, Bolgarııadan Nıkola Chochev sııaqty 20 memlekettiń óner sańlaqtary qatysady. Jartylaı fınalda top jaryp úzdik shyqqan ónerpazdar 16 maýsymda ótetin «Voice of Astana» I halyqaralyq estrada mýzykasy oryndaýshylary baıqaýynyń fınaldyq básekesinde baq synasady.
Osy halyqaralyq óner baıqaýynyń aıasynda ótetin Baıǵalı Serkebaevtyń shyǵarmashylyq keshi men Batyr Shúkenovti eske alý konsertine V.Meladze, L.Agýtın, V.Presnıakov, Iý.Karaýlova, R.Rymbaeva, M.Bespaev jáne basqa juldyzdar óner kórsetedi. Estradalyq mýzyka oryndaýshylarynyń «Voice of Astana» I halyqaralyq baıqaýy elordadaǵy «Saryarqa» velotreginde ótedi.
Botakóz AMALBEK,
L.N.Gýmılev atyndaǵy EUÝ 1-kýrs stýdenti