Atyraýda úkimettik emes uıymdardyń jumysy talqylandy

Atyraýda 600-deı uıymnyń 100-i ǵana belsendi. Bul sandar memleket pen azamattyq sektordyń ózara baılanysyn áli de nyǵaıta túsý kerek ekenin kórsetedi. Din isteri jáne azamattyq qoǵam mınıstri Darhan Qaletaev Atyraýǵa jumys sapary barysynda osy máselege erekshe mán berdi.

Azamattyq ortalyqtyń atqaratyn qyzmeti aýqymdy

Mınıstr aldymen Aza­mattyq ortalyqtyń jumysy­men tanysty. Úkimettik emes uıymdarǵa ádistemelik kómek kórsetip, usynylǵan ıdeıalardy qoldaýǵa baǵyttalǵan Aza­mattyq ortalyq elimiz boıynsha alǵash ret Atyraýda ashy­lǵan edi. «Azamattyq qoǵam ıns­tıtýttarynyń qyzme­tine qatysty syn jıi aıtyla­dy. Atyraýdaǵy úkimettik emes uıymdardyń kóbi toqsa­nyn­­shy jyldary oqý oryn­da­ryndaǵy nemese jekelegen adamdardyń mereıtoılyq datalaryn uıymdastyrý maq­satynda ashylǵan. Qoǵamdyq uıymdardyń naqty qandaı jumys atqaratynyn bireý bilse, bireý bilmeıdi. Shyn máninde olar qoǵamdyq máselege ún qosý­lary kerek. Osy baǵytta bir­qatar jumysty qolǵa alý jos­parymyzda bar», – deıdi ortalyq basshysy Ámına Jár­demqyzy.

Azamattyq ortalyqtyń alǵa qoıǵan maqsat-mindetterimen tanysqan mınıstr: «О́ńirde qandaı aýqymdy ju­mys­tar júrgizilgenin kór­dik. Jaqsy jobalar bar eken. Bú­ginde azamattyq qoǵam dep kom­mersııalyq emes uıym­dardyń jasaıtyn jumystaryn ǵana aıtýǵa bolmaıdy, bul – ha­lyqtyń barlyq múddeli sanat­tarynyń jumysy», – dep atap ótti.

Qazir ortalyqta «Úkimettik emes uıym mektebi» jo­basy aıasynda saýat arttyrý jumystary bastalyp ja­tyr. Jasyratyny joq, aýdan­­dardaǵy uıym ókil­deri memlekettik áleýmettik tapsyrys qujattaryn durys tol­tyrýdyń mánisin bile ber­meıdi. Bul óz kezeginde aýdan­dyq deńgeıdegi lottardy bas­qalardyń utyp alýyna, aýyl­daǵy azamattyq qoǵam ókil­deriniń qalys qalýyna ákelip otyr. Osy olqylyqtyń ornyn toltyrý úshin Azamattyq ortalyqtyń mamandary arnaıy sabaq júrgizýde. «Áleýmettik kásipkerlik mektebi» jobasy aıasynda bıznestiń qyr-syryn meńgerýge bolady. «О́z quqyńdy bil!» dep atalatyn úshinshi aýqymdy joba boıynsha zańgerler dáris berip jatyr.

Jalpy, ortalyq arqyly jyl basynan beri 10 joba júzege asyrylyp, tórt úkimettik emes uıym «Qazaqstannyń Tuń­ǵysh Prezıdenti – Elbasy qory», «Azamattyq bastama­lardy qoldaý ortalyǵy» uıym­das­tyrǵan konkýrstardyń grant­­tary men memlekettik áleý­­­­mettik tapsyrys sheńbe­rin­de qarjylaı qoldaýǵa ıe bolǵan.

Sannan sapaǵa kóshý kerek

«Úkimettik emes uıym­dar­dyń sanyna emes, olar kór­setetin qyzmettiń sapasyna basa nazar aýdarý kerek». О́ńirdegi úkimettik emes uıymdar ókil­derimen kezdesken jıynda D.Qaletaev osylaı dedi. Onyń aıtýynsha, jyl saıyn memlekettik tapsyrysty júzege asyrý úshin bıýdjetten 19 mıllıard teń­geden astam qarjy bólinedi. Taǵy 5 mıllıard teńgesi shetelden qarjylandyrylady. Al áleýmettik tapsyrys qan­shalyqty sapaly oryndalyp jatyr?

Atyraý oblysynyń ákimi Nurlan Noǵaev aımaqtaǵy ÚEU-lar men memlekettik meke­meler­diń arasyndaǵy ózara baı­la­nys boıynsha birqatar jumys atqarylǵanyn aıtty. Qoǵamnyń barlyq salasyn derlik qamtyǵan jobalar problemalardy sheshýge múmkindik berip otyr. «Biz óz tarapymyzdan Memleket basshysynyń azamattyq qoǵam ınstıtýttaryn odan ári jetil­dirý jónindegi tapsyrmasyn oryndaı otyryp, ózara is-qımyl jasaýdyń jańa joldaryn izdestirýdi jalǵastyramyz. Halyqtyń qoǵamnyń proble­malyq máselelerin tereń túsiný úshin «Atyraý. Sıfrly qabyldaý» mobıldi qosym­shasy men Telegram jelisinde «Atyraý oblysynyń ákimdigi» chat-arnasyn iske qostyq. Aqpa­rattyq tehnologııalar arqyly azamattar ózderin tolǵan­dy­ratyn suraqtardy qoıyp, je­del jaýap ala alady. Bul júıe qosylǵaly alty aı ótti, tıim­­­diligin kórsetti. Jumys jal­ǵa­sady», – dedi aımaq basshysy.

О́ńirdiń úkimettik emes uıym­dar ókilderimen ótken keńeske Qazaqstannyń Azamat­tyq alıansynyń prezıdenti Asyl­bek Qojahmetov te qatys­ty. «Azamattyq sektor­dyń maǵynasy keń. Batys elderin alyp qarasaq, mysaly, Gol­landııada el turǵyndarynyń 15%-y úkimettik emes sektorda jumys isteıdi, Qazaqstanda bar bolǵany 0,3%. Bizdiń búgingi min­detimiz – ÚEU men mem­leket­tik organdardyń ara­syn­daǵy júıeli jumysty jolǵa qoıý», – dedi ol.

Mınıstr D.Qaletaev Aza­mat­­tyq alıans memleket pen qoǵam ınstıtýttarynyń ara­synda azamattyq únqatysý alańyn uıymdastyrý boıynsha negizgi áriptesterdiń biri ekenin aıta kele, azamattyq qoǵamdy damytý salasynda zańnamany jetildirýde jáne úkimettik emes uıymdar men memlekettiń ózara is-qımylyn damytý jónindegi Ult josparyn iske asyrýda Azamattyq alıanstyń áleýetin paıdalanýdy usyndy. Azamattyq alıans qazaqstandyq úkimettik emes uıymdardyń básekege qabilettiligin arttyrý, jańa bilimge oqytý máselelerimen aınalysatyn respýblıkalyq ádistemelik ortalyq bolýy tıis.

Keńeste Atyraýdaǵy úki­mettik emes uıymdar ókilderi oılaryn aıtyp, memleket pen azamattyq qoǵam arasyndaǵy baılanystyń qazyǵy nyq bolýy úshin qajetti usynystaryn ortaǵa saldy.

Baqytgúl BABASh,

«Egemen Qazaqstan»

ATYRAÝ