Aqparat jáne kommýnıasııalar mınıstri Dáýren Abaev «Balapan» arnasyndaǵy «Qońyr qaz» jobasyn tanystyryp, Feısbýktegi paraqshasynda anımasııalyq vıdeosyn jarııalady.
«Joba arqyly qazaq mýltıplıkasııasynyń atasy Ámen Qaıdarovtyń «Aqsaq qulanymen» bastalǵan anımasııalyq kúı dástúrin qaıta jalǵamaqshymyz. Joba aıasynda Qurmanǵazy, Dáýletkereı, Qazanǵap, Dına, Súgir, Yqylas sııaqty dáýlesker kúıshilerimizdiń klassıkalyq týyndylary anımasııalanady. «Qońyr qaz» toptamasy 2D janrda, elimizdiń belgili mamandarynyń qatysýymen júzege asty. Ár bólimge mádenıettanýshy Zıra Naýryzbaeva arnaıy ssenarıı ázirlegen. Jobanyń qoıýshy rejısseri – Dılshat Rahmatýllın. Basty maqsat - Uly dala murasyn urpaq sanasyna sińirý» dep jazdy Dáýren Abaev.