Memleket basshysy Nursultan Ábishuly Nazarbaevtyń Shymkentke respýblıkalyq qala dárejesin berý týraly Jarlyqqa qol qoıǵanyn barshamyz asqan qýanyshpen qarsy alyp otyrmyz. Osy sátten bastap elimizde úshinshi megapolıs, on jetinshi aımaq paıda boldy.
Shynynda da tarıhı sanalatyn bul sátke biz uzaq ýaqyt daıyndaldyq. Endi Astana jáne Almaty turǵyndarymen birge shymkenttikter de mıllıondy megapolıs turǵyndary atanyp otyr.
Bizdi alda úlken ózgerister kútip tur. Eń bastysy, bul jańalyq Shymkent qalasyn odan ári damytýǵa jańa múmkindikter týǵyzyp, oń áserin tıgizedi dep senemiz. Sebebi birinshiden, Elbasy atap ótkendeı, Shymkent tutas Ortalyq Azııa aımaǵyna ınvestısııalar, tehnologııalar jáne ıntellektýaldyq resýrstardy tartatyn jańa ortalyq bolady.
Ekinshiden, áleýmettik baǵdarlamalardy qarjylandyrý kólemi artady, tıisinshe, balabaqsha men mektep, aýrýhana men turǵyn úıler kóptep salynady.
Úshinshiden, megapolıstiń damýy qala turǵyndarynyń turmystyq jaǵdaıyn jaqsartyp, halyqty kommýnaldy qajettilikpen qamtamasyz etý deńgeıi kóteriledi.
Biz tarıhı sáttiń, jarqyn jańalyqtar men aýqymdy reformalar qarsańynda turmyz. Qazaqstanda úshinshi megapolıstiń paıda bolýy – asqan jetistik, elimiz damýynyń aıqyn kórsetkishi.
Myńdaǵan jyldyq tarıhy bar qala endi aqyldy, qaýipsiz ári kórkem megapolıske aınalady! Bul – barsha qazaqstandyqqa ortaq jeńis! Damýdyń durys jolynyń kórsetkishi.
Nurlan SAÝRANBAEV,
Shymkent qalasynyń ákimi