6 jyldan beri uıymdastyrylyp kele jatqan jerlesimiz, dańqty veloshabandoz, London Olımpıadasynyń chempıony Aleksandr Vınokýrov atyndaǵy kópkúndik halyqaralyq velojarys óz máresine jetti.
Toptyq jáne jekeleı qashyqtarda 23 komanda quramyndaǵy 140-qa jýyq sportshy baq synasty. Reseı men О́zbekstannyń jelmen jarysqan veloshabandozdary alǵash ret qatysty.
Jekeleı synda samarqandtyq Dmıtrıı Sırko jeńistiń eń bıik tuǵyryna kóterildi. Ol halyqaralyq jarysqa tuńǵysh ret qatysqanyna qaramastan qarsylastaryn shań qaptyrdy. Ekinshi, úshinshi oryndardy petropavldyq Kırıll Vagner men qaraǵandylyq Andreı Nalıvaıko bólisti. Komandalyq esepte alań ıeleri jeńimpaz atandy. Ekinshi, úshinshi oryndardy Samarqand jáne Astana qalalarynyń komandalary ıelendi.
Jeńimpazdar men júldegerlerge arnaıy syılyqtar men dıplomdardy Olımpıada chempıony A. Vınokýrov tapsyrdy.
О́mir ESQALI,
«Egemen Qazaqstan»